Магістраль пачала доследную эксплуатацыю праграмнага забеспячэння, якое дазволіць аднаўляць паездку ў выпадку спазнення на поезд, зрабіць прыпынак у пуці, а таксама спыніць паездку па электронным праязным білетам, аформленым з электроннай рэгістрацыяй на паязды ўнутрыдзяржаўнага і міжнароднага кірункаў.
Пра гэта паведамілі ў прэс-цэнтры БЧ. Раней дадзеныя аперацыі пры набыцці электроннага білета з электроннай рэгістрацыяй былі недаступнымі.
Зараз у пасажыра з’явілася магчымасць на станцыі пасадкі правесці аднаўленне паездкі ў выпадку спазнення на поезд. Для гэтага яму неабходна на падставе раней аформленых месцаў набыць у білетнай касе “плацкарту” на наступны поезд у дадзеным накірунку.
Таксама ў пуці пасажыр адзін раз можа зрабіць прыпынак не больш чым на 10 дзён, прад’явіўшы білет для адзнакі ў білетную касу.
Апроч таго, пасажыр можа спыніць паездку і атрымаць грошы за “не выкарыстаную адлегласць” у прэтэнзійным парадку. Для таго, каб зрабіць прыпынак ці перарваць паездку ў пуці, пасажыру неабходна паставіць у вядомасць аб сваіх намерах правадніка вагона, які ў дадзеным выпадку робіць адзнаку на бланку электроннага праязнога дакумента з электроннай рэгістрацыяй, раздрукаваным на лісце паперы фармату А4. Пры адсутнасці раздрукоўкі праваднік складае акт агульнай формы па факту перарывання паездкі.
На БЧ звяртаюць увагу: указаныя дакументы неабходна прад’явіць цягам трох гадзін з моманту прыбыцця поезда на станцыю, на якім ехаў пасажыр, у білетную касу для вяртання месцаў.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».