Вы тут

Шматдзетная сям'я атрымала ў падарунак ад Прэзідэнта карову


Шматдзетная сям'я Снігір з вёскі Ясень Асіповіцкага раёна атрымала ў падарунак ад Прэзідэнта карову па мянушцы Белка. Урачыстае ўручэнне адпаведнага сертыфіката і самой «карміцелькі» па даручэнні кіраўніка дзяржавы і ўрада прайшло ўчора з удзелам першага намесніка старшыні Магілёўскага аблвыканкама Алега Чыкіды.


Як паведамляе БЕЛТА, з незвычайнай просьбай аб карове звярнулася на афіцыйны сайт кіраўніка дзяржавы гаспадыня сям'і Вольга Снігір, матывуючы гэта неабходнасцю і патрэбай забеспячэння дзяцей свежым малаком. Доўга чакаць не прыйшлося. Пра тое, што ліст дайшоў да адрасата, паведамілі работнікі сацыяльнай службы, якія прыехалі літаральна праз тыдзень абследаваць умовы пражывання сям'і і магчымасць утрымання кароўкі.

«Гэта правільная і своечасовая просьба, — адзначыў, уручаючы сертыфікат на Белку, Алег Чыкіда. — Дзецям патрэбна здаровае і правільнае харчаванне. Даведаўшыся пра жаданне сям'і, кіраўнік дзяржавы даручыў аказаць падтрымку. З гэтай мэтай і была набыта мясцовай гаспадаркай «Ясень-АГРА» карова, якая дае ў суткі 25 кг малака. Гэтага хопіць, каб забяспечыць шматдзетную сям'ю свежым малаком і гатаваць з яго розныя хатнія прадукты: тварог, смятану, вяршкі і іншыя».

Па словах Алега Чыкіды, карова прайшла пэўны кастынг: выбіралі, каб яна была прадукцыйная, здаровая, спакойная. Да таго ж карова цельная, таму ў лютым-сакавіку будзе папаўненне. Акрамя таго, каб аблегчыць працу шматдзетнай маме, першы намеснік старшыні Магілёўскага аблвыканкама ўручыў ёй даільны апарат, а таксама перадаў у падарунак двух'ярусны дзіцячы ложак, ноўтбук і прысмакі.

У адказ Вольга Снігір падзякавала ад імя ўсёй сям'і за такі каштоўны і важны падарунак Прэзідэнту і перадала таксама ў дар сямейнае фота і дзіцячыя вырабы. Доўгачаканую Белку яна паабяцала берагчы і песціць, а ў самы найбліжэйшы час навучыцца рабіць з малака ўсякія смачнасці. Даіць карову жанчына ўмее, навучылася, калі жыла з мужам у свекрыві.

Фота БЕЛТА

Загаловак у газеце: Карова ў падарунак

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

«Разумныя» гарады. Як лiчбавiзацыя зменiць наша жыццё?

«Разумныя» гарады. Як лiчбавiзацыя зменiць наша жыццё?

Наступны этап — стварэнне разумных гарадоў.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.