Вы тут

Працягваецца конкурс на распрацоўку талісмана ІІ Еўрапейскіх гульняў


Прыняць удзел у ім можа любы ахвотны, і трэба сказаць, многія зацікаўленыя ўжо паспелі скарыстацца гэтай магчымасцю. Міністэрства інфармацыі, якое займаецца прыёмам конкурсных работ, ужо назапашвае ідэі беларусаў. Сярод іх прапановы зрабіць талісманам будучых Еўрагульняў бусла, васілёк і нават трактар. З'явіліся і дзіўныя персанажы, напрыклад Бульбазаўр ці Бэтмен.


Нагадаем, што талісман павінен адпавядаць агульнай канцэпцыі Еўрапейскіх гульняў, быць лёгкім і зразумелым балельшчыкам і гледачам, выклікаць станоўчыя асацыяцыі і адпавядаць слогану «Brіght Yеаr, Brіght уоu» («Час яскравых перамог»). Узор талісмана павінен быць прадстаўлены ў электроннай форме ў выглядзе каляровага малюнка, выкананага ў любой тэхніцы (уключаючы камп'ютарную графіку). Малюнак талісмана неабходна суправадзіць кароткай тлумачальнай запіскай, якая раскрые творчыя ідэі аўтара, а таксама змесціць прапановы ў дачыненні да імя (наймення) талісмана.

У Міністэрстве інфармацыі адзначылі, што некаторыя ўдзельнікі забываюць пра тое, што талісман павінен быць вытрыманы ў адным стылі з лагатыпам Еўрагульняў, на якім намалявана папараць-кветка, і быць звязаным з купальскай ноччу. Сярод паўсотні работ сустракаюцца цікавыя малюнкі без заявак, таму арганізатары заклікаюць больш уважліва ставіцца да ўмоў конкурсу. У працэс пачалі ўключацца і прафесіяналы, свой інтарэс да конкурсу праявілі ўжо некалькі дызайнераў, а наогул, пераважная большасць заявак прыходзіць ад дарослых і толькі некалькі ўдзельнікаў — гэта дзеці.

Конкурс завершыцца 15 лістапада, яго вынікі будуць абвешчаныя ў снежні. Уладальнікі першых трох прызавых месцаў атрымаюць запрашальныя білеты на мерапрыемствы ІІ Еўрапейскіх гульняў, а таксама камплекты парадна-спартыўнай экіпіроўкі беларускай зборнай.

Дар'я ЛАБАЖЭВІЧ

lobazhevich@zviazda.by

Загаловак у газеце: З'явіўся Бульбазаўр і Бэтмен

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».