У Нясвіжскім раёне два чалавекі, якія выйшлі з машыны на трасе М1, былі збітыя транспартнымі сродкамі, паведамілі ва УДАІ УУС Мінаблвыканкама.
Здарэнне адбылося прыблізна ў 22.30 на 256-м кіламетры аўтадарогі Брэст—Мінск—мяжа РФ паблізу вёскі Малінаўка. Пасля вымушанага спынення ў паласе разгону каля асветленай стаянкі 30-гадовы пасажыр аўтамабіля «Хёндаі Санта Фе» не ўпэўніўся ў бяспецы і выйшаў на праезную частку. Там яго збіў аўтобус «Неаплан 116», які ехаў ў напрамку Брэста. Збіты застаўся ляжаць на праезнай частцы. Пасажыры легкавіка — жанчына і мужчына — пабеглі да пацярпелага для аказання дапамогі. У гэты момант на яго здзейсніў наезд «Пежо Партнёр». Жанчына паспела адскочыць у бок, а мужчына трапіў пад колы машыны. Два мужчыны загінулі на месцы. Абставіны ДТЗ установіць следства. Вядома, што ніхто з іх не быў пазначаны святлоадбівальнымі элементамі. Распачаты крымінальныя справы.
Сяргей РАСОЛЬКА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
