Вы тут

Стынг 8 кастрычніка прывязе ў Мінск рок-праграму "57th & 9th"


Вядомы брытанскі рок-музыкант Стынг 8 кастрычніка выступіць з канцэртам на сцэне "Мінск-Арэны", паведамілі арганізатары.


Праз 7 гадоў музыкант зноў прыедзе ў сталіцу Беларусі. Сусветнае турнэ артыста з новай рок-праграмай "57th & 9th" уключае і Мінск.

Музыкант выпусціў відэазварот да беларускіх гледачоў: "Прывітанне, Мінск! Я з нецярпеннем чакаю свайго вяртання ў Беларусь. З новым альбомам "На вуглу 57-й і 9-й". Спадзяюся ўбачыць вас у нядзелю, 8 кастрычніка".

Новы студыйны альбом Стынга "57th & 9th" выйшаў 11 лістапада 2016 года. Незвычайную назву пласцінка атрымала дзякуючы скрыжаванню дзвюх вуліц - 57-й і 9-й. Кожны дзень па дарозе ў студыю Стынг праходзіў менавіта міма гэтага скрыжавання. У альбом увайшло 10 песень, кожная з іх адкрывае шматграннасць стыляў Стынга. На канцэрце будуць гучаць і любімыя хіты.

У "Мінск-Арэне" збярэцца выключны склад музыкантаў: гітарыст Дамінік Мілер, Джош Фрыз (ударныя), Руфус Мілер (гітара), акардэаніст Персі Кардон. Спецыяльны госць - Джо Самнер.

За больш як 40-гадовую кар'еру на рахунку артыста звыш паўсотні ўзнагарод: 16 статуэтак Grammy, 25 узнагарод American Music Awards, MTV Music Awards, "Залаты глобус" за саўндтрэк да фільма "Кейт і Леа" і многія іншыя. Стынг - камандор ордэна Брытанскай імперыі, кавалер французскага ордэна Мастацтваў і літаратуры, а таксама ўладальнік ганаровай узнагароды цэнтра мастацтваў імя Джона Кенэдзі. Ён тройчы намініраваўся на "Оскар" у катэгорыі "Лепшая песня да фільма", а на "Алеі славы" ў Галівудзе ёсць яго імянная зорка.

БЕЛТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.