22 Люты, чацвер

Вы тут

Неўралагічнае аддзяленне Пружанскай бальніцы атрымала новы корпус


І гэта, несумненна, стала падзеяй для раёна. Таму што раней названае аддзяленне бальніцы знаходзілася ў даваенным будынку, да таго ж за 400 метраў ад асноўнага корпуса бальніцы.


Новы трохпавярховы корпус сумешчаны з паліклінікай, аснашчаны ліфтам і ўсім неабходным для абслугоўвання людзей з абмежаванымі магчымасцямі. Акрамя неўралогіі, тут размясціліся аддзяленне пералівання крыві, рэнтгеналагічная служба, а таксама кабінеты ўльтрагукавой дыягностыкі, лячэбнай фізкультуры, фізіятэрапеўтычны. На другім паверсе частка памяшкання адведзеная пад палаты тэрапеўтычнага профілю.

Паводле інфармацыі галоўнага ўрача цэнтральнай раённай бальніцы Віктара ДАРАНЕВІЧА, аддзяленне разлічана на 60 ложкаў. Гэта двух-, трох- і чатырохмесныя палаты блочнай сістэмы з асобнымі душавымі і санвузламі. Ёсць таксама чатыры палаты павышанай камфортнасці для аказання платных паслуг.

Будаўніцтва абышлося абласному бюджэту ў 3,7 мільёна рублёў, з іх 500 тысяч пайшло на абсталяванне. На некаторыя віды медыцынскага аснашчэння ахвяравалі сродкі мясцовыя прадпрымальнікі.

Павіншаваць пружанцаў са знамянальнай падзеяй прыехаў старшыня Брэсцкага аблвыканкама Анатоль ЛІС.

Святлана ЯСКЕВІЧ

Загаловак у газеце: Для лячэння і прафілактыкі

Дадаць каментар

Выбар рэдакцыі

Грамадства

«Звязда» завітала ў госці да пераможцы конкурсу «Беларусікі»

«Звязда» завітала ў госці да пераможцы конкурсу «Беларусікі»

Васьмігадовая мадэль са Жлобіна любіць катацца на цягніку. А ў вольны час лепіць з бабуляй калдуны.

Грамадства

Іван Кірчук: Я 14 гадоў жыў адзін і больш не планаваў ніякай сям'і

Іван Кірчук: Я 14 гадоў жыў адзін і больш не планаваў ніякай сям'і

«Вой, Іван Іванавіч, а дзе ваша барада?» Само сабой вырвалася ў мяне гэтае пытанне, калі адчыніла дзверы ў этналабараторыю і ўбачыла лідара гурта «Этна-трыа «Троіца»...

Грамадства

Вандроўка ў Беніцу

Вандроўка ў Беніцу

Дзе знаходзіцца касцёл пачатку ХVІІІ стагоддзя.