25 Май, пятніца

Вы тут

У жніўні ў Беларусі фіксуецца дэфляцыя


Індэкс спажывецкіх цэн на тавары і паслугі ў жніўні ў параўнанні з ліпенем склаў 99,2%, паведамляюць у Нацыянальным статыстычным камітэце. Інакш кажучы, за мінулы месяц цэны на тавары і паслугі ўпалі на 0,8%. З пачатку года інфляцыя склала 2,5%.


Спецыялісты адзначаюць, што памяншэнне цэн назіраецца галоўным чынам на харчовай групе тавараў. Яны ў жніўні патаннелі на 1,9%. А вось нехарчовыя тавары ў мінулым месяцы падаражэлі на 0,3%, паслугі падраслі толькі на 0,04%.

З пачатку года харчовыя тавары падаражэлі на 1,5%, нехарчовыя — на 1,7%, а платныя паслугі — на 5,8%. Нагадаем, што ў ліпені ў Беларусі зафіксавалі дэфляцыю ў 0,1%.

Урад прагназуе, што ў гэтым годзе тавары і платныя паслугі падаражэюць не больш чым на 9%. Пакуль тэмпы росту коштаў на тавары і платныя паслугі ніжэйшыя, чым прагназавалася. Летась кошты на тавары і платныя паслугі ў Беларусі выраслі на 10,6%, а ў 2015 годзе — на 12%.

Сяргей КУРКАЧ

kurkасh@zvіаzdа.bу

Загаловак у газеце: Дэфляцыя дубль два

Дадаць каментар

Выбар рэдакцыі

Эканоміка

Новабудоўлі: бюджэтных прапаноў амаль не засталося

Новабудоўлі: бюджэтных прапаноў амаль не засталося

Але на другасным рынку «хапун» на нерухомасць хутка скончыцца, лічаць эксперты.

Грамадства

Што прыводзіць да траўмаў на вытворчасці?

Што прыводзіць да траўмаў на вытворчасці?

Летась на вытворчасці адбылося амаль 1400 няшчасных выпадкаў. Многа гэта ці мала? 

Палітыка

Прэзідэнт узяў удзел у форуме экспертнай ініцыятывы «Мінскі дыялог»

Прэзідэнт узяў удзел у форуме экспертнай ініцыятывы «Мінскі дыялог»

Сёлета ён атрымаў назву «Усходняя Еўропа: у пошуках бяспекі для ўсіх».