25 Май, пятніца

Вы тут

Беларусь — Усходняе партнёрства. Узаемавыгаднае супрацоўніцтва


У Бруселі адбылося 7-е штогадовае пасяджэнне Канферэнцыі рэгіянальных і мясцовых органаў улады Усходняга партнёрства (CORLEAP). Удзельнікі пасяджэння абмеркавалі перспектывы ўзаемавыгаднага супрацоўніцтва напярэдадні пятага саміту Усходняга партнёрства, які адбудзецца ў лістападзе 2017 года, а таксама намецілі асноўныя напрамкі дзейнасці CORLEAP на наступныя два гады.


Чарговае пасяджэнне CORLEAP прайшло пад старшынствам старшыні пастаяннай камісіі Савета Рэспублікі Нацыянальнага сходу Беларусі па рэгіянальнай палітыцы і мясцовым самакіраванні Аляксандра Папкова і старшыні Камітэта рэгіёнаў Еўрапейскага саюза Карла-Хайнца Ламберца. У цэнтры ўвагі ўдзельнікаў пасяджэння былі пытанні ролі мясцовых і рэгіянальных уладаў у забеспячэнні энергаэфектыўнасці, а таксама прасоўвання эканамічнага росту і занятасці на мясцовым узроўні. Праблема энергаэфектыўнасці, дарэчы, актуальная цяпер ва ўсім свеце ў частцы зніжэння шкодных выкідаў у атмасферу, павышэння энергетычнай бяспекі дзяржаў, а таксама даступнасці энергіі для спажыўцоў.

У сваім выступленні Аляксандр Папкоў падкрэсліў, што прыярытэтам свайго сустаршынства ў CORLEAP беларускі бок вызначыў сацыяльна-эканамічнае развіццё. У Беларусі аддаецца шмат увагі ўдасканаленню і рэальнаму ўмацаванню асноў мясцовага кіравання і самакіравання, пашырэнню правоў мясцовых Саветаў дэпутатаў. Беларускія прадстаўнікі рэгіянальных уладаў актыўна ўдзельнічаюць у еўрапейскіх ініцыятывах «Мэры за эканамічны рост» і «Пагадненне мэраў па клімаце і энергіі». Вопыт развіцця мясцовага самакіравання ў іншых краінах з'яўляецца для нашай краіны цікавым аб'ектам вывучэння ў мэтах развіцця добрасуседскіх адносін. Адначасова Беларусь таксама адкрытая для дыялогу і гатовая падзяліцца сваімі напрацоўкамі ў гэтай галіне.

Удзельнікі пасяджэння CORLEAP прынялі рэкамендацыі да 5-га саміту Усходняга партнёрства 2017 года, а таксама абмеркавалі прыярытэтныя напрамкі далейшай работы гэтай арганізацыі. Плануецца, што наступнае пасяджэнне Канферэнцыі рэгіянальных і мясцовых органаў улады Усходняга партнёрства адбудзецца 24 кастрычніка ў Ерэване.

У адпаведнасці з правіламі CORLEAP Беларусь у канцы верасня заканчвае сваё сустаршынства ў гэтай арганізацыі, якое доўжылася з кастрычніка
2016 года. На працягу наступнага года, да кастрычніка 2018-га, выконваць гэтыя абавязкі будзе Украіна.

Наталля Бітэль

Фота БЕЛТА

Дадаць каментар

Выбар рэдакцыі

Эканоміка

Новабудоўлі: бюджэтных прапаноў амаль не засталося

Новабудоўлі: бюджэтных прапаноў амаль не засталося

Але на другасным рынку «хапун» на нерухомасць хутка скончыцца, лічаць эксперты.

Грамадства

Што прыводзіць да траўмаў на вытворчасці?

Што прыводзіць да траўмаў на вытворчасці?

Летась на вытворчасці адбылося амаль 1400 няшчасных выпадкаў. Многа гэта ці мала? 

Палітыка

Прэзідэнт узяў удзел у форуме экспертнай ініцыятывы «Мінскі дыялог»

Прэзідэнт узяў удзел у форуме экспертнай ініцыятывы «Мінскі дыялог»

Сёлета ён атрымаў назву «Усходняя Еўропа: у пошуках бяспекі для ўсіх».