25 Май, пятніца

Вы тут

Кітай адправіць па арктычным маршруце 6 гандлёвых суднаў


Шматмэтавага судна "Тяньцзянь" отшвартовалася ад прычала порта Ляньюньган (правінцыя Цзянсу, Усходні Кітай) і ўзяло курс на Данію і Расію па Паўночна-Усходняму марскому праходу . Яно стала трэцім з 6 гандлёвых суднаў, якія Кітай мае намер сёлета адправіць арктычным маршрутам, перадае "Жэньмінь жыбаа" анлайн"


Гэта самая вялікая колькасць кітайскіх суднаў, якія пройдуць дадзеным маршрутам на працягу аднаго года. Выкарыстоўваць арктычны шлях для гандлёвых суднаў Кітай пачаў у 2013 годзе, калі судна "Юншэн", якое належыць кампаніі COSCO Shipping Specialized Carriers Co. Ltd, паспяхова прайшло ў Еўропу па Паўночна-Усходняму марскому праходу - найбольш запатрабаваным маршруце праз Арктыку. 

На канец 2016 года група кампаній COSCO адправіла па гэтым маршруце ў агульнай складанасці 5 суднаў. Вопыт гэтых гадоў, адзначаюць спецыялісты галіны, будзе адыграваць пазітыўную ролю для выхаду вытворчага сектара Кітая, у першую чаргу абсталявання, на замежныя рынкі і імпарту тавараў з Еўропы ў Кітай на карысць працвітання двухбаковага гандлю. 

Судна "Тяньцзянь", да прыкладу, даставіць у Расію танэлепраходчы  комплекс для будаўніцтва метрапалітэна, а ў Данію - ветраэнергетычныя ўстаноўкі. Капітан "Тяньцзяня", які належыць, як і "Юншэн", кампаніі COSCO Shipping Specialized Carriers Co. Ltd, Шэнь Цзяньсинь распавёў, што напрыканцы верасня (цягам 25 дзён) судна прыбудзе ў першы пункт прызначэння - порт Эсбьерг (Данія), пераадолеўшы 7670 марскіх міль, супраць 37 дзён і 11060 марскіх міль па Суэцкім канале. Гэта дазволіць таксама зэканоміць каля 320 тон паліва, што азначае памяншэнне выкідаў двухвокісу вугляроду на 1000 тон, дадаў капітан.

Дадаць каментар

Выбар рэдакцыі

Эканоміка

Новабудоўлі: бюджэтных прапаноў амаль не засталося

Новабудоўлі: бюджэтных прапаноў амаль не засталося

Але на другасным рынку «хапун» на нерухомасць хутка скончыцца, лічаць эксперты.

Грамадства

Што прыводзіць да траўмаў на вытворчасці?

Што прыводзіць да траўмаў на вытворчасці?

Летась на вытворчасці адбылося амаль 1400 няшчасных выпадкаў. Многа гэта ці мала? 

Палітыка

Прэзідэнт узяў удзел у форуме экспертнай ініцыятывы «Мінскі дыялог»

Прэзідэнт узяў удзел у форуме экспертнай ініцыятывы «Мінскі дыялог»

Сёлета ён атрымаў назву «Усходняя Еўропа: у пошуках бяспекі для ўсіх».