Вы тут

Віншаванне Прэзідэнта з 950-годдзем Мінска


Дарагія сябры!

Ад усёй душы віншую вас са святам — 950-гадовым юбілеем беларускай сталіцы.

Сучасны Мінск — найбуйнейшы палітычны, эканамічны, культурны і дзелавы цэнтр краіны. Гэта надзвычай прыгожы горад з асаблівай душэўнай атмасферай, у якім хочацца жыць, вучыцца, працаваць, гадаваць дзяцей. У гісторыю нашай сталіцы ўпісана нямала гераічных і трагічных старонак. Але кожны раз, прайшоўшы праз суровыя выпрабаванні, горад адраджаўся, станавіўся больш велічным. І сёння з гордасцю носіць ганаровае званне «горад-герой».

Захоўваючы сваё непаўторнае архітэктурнае аблічча, Мінск з кожным годам развіваецца, прырастае новымі жылымі кварталамі, культурнымі і спартыўнымі аб'ектамі, утульнымі паркамі і скверамі.

І ўсё ж галоўнае багацце, душа нашай сталіцы — гэта людзі. Упэўнены, што дзякуючы вашым талентам, дарагія мінчане, вашым смелым ідэям, працавітасці і гасціннасці горад стане яшчэ больш прыгожым і ўтульным.

Жадаю поспеху, здароўя, дабрабыту і новых здзяйсненняў. Няхай вынікі вашай працы стануць прадметам гордасці для будучых пакаленняў жыхароў беларускай сталіцы.

Прэзідэнт Рэспублікі Беларусь Аляксандр Лукашэнка.

Загаловак у газеце: Краса беларускага краю

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».