Новае аддзяленне адкрылася на базе тэрытарыяльнага цэнтра сацыяльнага абслугоўвання насельніцтва Маскоўскага раёна (вуліца Ясеніна, 141). Яно разлічана на адначасовае знаходжанне 15 маладых людзей з цяжкай інваліднасцю.
Аддзяленне абсталявана спецыяльнымі медыцынскімі ложкамі, эрганамічнай і бескаркаснай мэбляй. А ў пакоі псіхалагічнай разгрузкі мяккімі зрабілі не толькі крэслы, але і сцены. У штатны расклад уключаны два спецыялісты па сацыяльнай рабоце, два кіраўнікі гуртка і малодшая медыцынская сястра.
— У сваёй рабоце спецыялісты будуць праводзіць рэабілітацыйныя мерапрыемствы з выкарыстаннем сучаснага абсталявання і прымяненнем перадавых методык — музыкальнай, цялеснай, арт-тэрапіі, сенсорнай стымуляцыі і інтэграцыі, альтэрнатыўнай камунікацыі, — паведаміла дырэктар ТЦСАНа Алена ДЗЯМІДАВА.
Паслугі ў аддзяленні будуць аказвацца ў будныя дні з 8 да 18 гадзін.
Наталля ЛУБНЕЎСКАЯ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
