Вы тут

Рэзервы Беларусі складаюць амаль 7 млрд долараў


Золатавалютныя рэзервы Беларусі, у адпаведнасці з метадалогіяй Міжнароднага валютнага фонду, на 1 верасня склалі 6,993 млрд долараў у эквіваленце.


Міжнародныя рэзервовыя актывы нашай краіны за жнівень выраслі на 328,8 млн долараў (на 4,9%) пасля росту сёлета ў ліпені на 103,8 млн долараў (на 1,6%). За студзень—жнівень прырост рэзерваў склаў 2066 млн долараў (42%).

Істотнаму павелічэнню золатавалютных рэзерваў у жніўні спрыялі паступленні сродкаў у замежнай валюце ў бюджэт, уключаючы экспартныя пошліны на нафту і нафтапрадукты. А таксама павелічэнне аб'ёму сродкаў у замежнай валюце на карэспандэнцкіх рахунках банкаў у Нацбанку, павелічэнне кошту манетарнага золата, паступленне сродкаў ад продажу Нацбанкам аблігацый, намінаваных у замежнай валюце, і купля рэгулятарам замежнай валюты на таргах БВФБ.

У жніўні ўрадам і Нацбанкам пагашана знешніх і ўнутраных абавязацельстваў у замежнай валюце на суму каля 135 млн долараў. Летась золатавалютныя рэзервы нашай краіны ў вызначэнні МВФ павялічыліся на 751 млн долараў (на 18%) — да 4 927,2 млн долараў (у эквіваленце) на 1 студзеня 2017 года.

Сяргей КУРКАЧ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».