У гэту нядзелю ўдзел у ім прымуць больш за трыццаць тысяч удзельнікаў з розных краін. Першы забег па цэнтры горада на дыстанцыі 5 і 10 кіламетраў пачнецца ў 10 раніцы, другі — на 21 кіламетр — у 12.30.
Упершыню Мінскі паўмарафон, прымеркаваны да Дня горада, правялі ў 2013 годзе, — і за чатыры гады ён разросся да знакавай міжнароднай падзеі. Стартавая пляцоўка па традыцыі размесціцца каля Палаца спорту. Па сутнасці, удзельнікі будуць бегчы вакол Свіслачы. Ад праспекта Машэрава ў бок плошчы Перамогі, па праспекце Незалежнасці да Бабруйскай вуліцы і адтуль назад да старту. Самыя вынослівыя змогуць пазмагацца за галоўны прыз — тры тысячы долараў за перамогу на самай доўгай дыстанцыі. Аднак калі ваша мэта не перамога, а ўдзел, то можна пастарацца запомніцца не хуткасцю, а яркім касцюмам — выбіраць найлепшыя будуць у дзясятцы розных намінацый. Нават у балельшчыкаў ёсць шанц атрымаць свой прыз. Яны таксама могуць прыдумаць незвычайны строй ці падрыхтаваць плакат у намінацыях: самы вялікі, матывуючы ці высокамастацкі. Для заядлых карыстальнікаў сацыяльных сетак ёсць асобнае спаборніцтва — конкурс відэа на тэму «Як я рыхтуюся да Мінскага паўмарафону».
Дар'я КАСКО
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
