Вы тут

Хто не зможа заплаціць за школьны абед праз АРІП?


З 1 верасня большасць сталічных школ перайшла на аплату школьнага харчавання спосабам безнаяўнага разліку.


Плацеж можна здзяйсняць праз сістэму АРІП, але ў шэрагу сталічных школ для гэтых мэтаў выкарыстоўваецца «Карта навучэнца». Таму на сайце АРІП растлумачылі механізм унясення платы за школьнае харчаванне.

Калі асабовы рахунак вучня (уліковы нумар вучня) складаецца з дзесяці знакаў, гэта азначае, што бацькі могуць аплачваць школьнае харчаванне праз сістэму АРІП у любы час і любым зручным для іх спосабам — праз усю плацежную інфраструктуру АРІП: гэта можна зрабіць праз касы банкаў і банкаматы, інтэрнэт-банк, мабільны банкінг ці інфакіёскі.

Для правядзення плацяжу неабходна выбраць пункт «сістэма «Разлік» (АРІП), г. Мінск», далей раздзелы «адукацыя і развіццё», «камбінат школьнага харчавання», «раён (да якога належыць установа адукацыі)» і «харчаванне». Потым трэба ўвесці ўліковы нумар вучня (10 лічбаў), суму плацяжу, праверыць карэктнасць інфармацыі і здзейсніць плацеж.

Калі ж у школе ў якасці асабовага рахунку для аплаты харчавання дзіцяці далі 16-значны ўнікальны нумар (ён жа нанесены на «Карту навучэнца»), то праз АРІП плацеж нельга будзе правесці.

На сайце АРІП тлумачаць: уліковы нумар прысвойваецца вучню адзін раз, захоўваецца за ім да моманту заканчэння школы і больш нікому ніколі не перадаецца. Нумар можа змяняцца толькі пры змене ўстановы адукацыі.

Ніякіх камісій пры аплаце школьнага харчавання праз сістэму «Разлік» з бацькоў не спаганяецца, як не спаганяюцца яны сістэмай з плацельшчыкаў і пры любых іншых плацяжах праз АРІП.

Надзея НІКАЛАЕВА

nіkаlаеvа@zvіаzdа.bу

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.