Вы тут

Прэзідэнт правёў нараду з сілавікамі


На якой быў разгледжаны шырокі спектр пытанняў.

Прэзідэнт Аляксандр Лукашэнка ўчора сустрэўся з кіраўніцтвам Дзяржаўнага сакратарыята Савета бяспекі, праваахоўных органаў і ведамстваў сістэмы гарантавання нацыянальнай бяспекі.


Арыфметыка ўраджаю

Аляксандр Лукашэнка нагадаў, што месяц таму на рабочай нарадзе з кіраўніцтвам Дзяржсакратарыята ён ставіў канкрэтныя задачы перад сілавымі ведамствамі, — забяспечыць жорсткі кантроль за ходам уборачнай кампаніі.

Кіраўнік дзяржавы падкрэсліў: ніякага вяртання да савецкай сістэмы тут няма.

— Гэта нядбайнасць нам потым дорага абыходзіцца, — канстатаваў ён. — Можаце палічыць: калі б мы згубілі, як у нас заўсёды плануюць вяскоўцы і кіраўнікі сельгаспрадпрыемстваў, 10% ураджаю — гэта, маўляў, натуральная страта... Ну і з 10 мільёнаў сабранага — колькі б мы згубілі? Мільён тон. Памножце на 200 долараў прыкладна — сусветная цана...

Аляксандр Лукашэнка пацікавіўся ў праваахоўнікаў, пракуратуры, што іх турбавала падчас уборкі, на што трэба будзе звярнуць увагу.

За свае грошы трэба змагацца

Эканамічная бяспека — не менш важная. Аляксандр Лукашэнка звярнуў увагу ўдзельнікаў нарады на «неабходнасць пастаяннага і актыўнага ўдзелу дзяржорганаў у сістэме гарантавання нацыянальнай бяспекі ў развіцці эканомікі».

— Прычым справа, зноў жа, не ў закручванні гаек, — дадаў кіраўнік краіны. — Ніякіх гаек мы закручваць не збіраемся. У сувязі з гэтым яшчэ раз трэба звярнуць увагу на прапрацоўку крымінальнага і адміністрацыйнага заканадаўства. Усё лішняе прыбраць. Гэты працэс ідзе.

Як адзначыў Прэзідэнт, устарэлыя нормы нам у заканадаўстве не патрэбны. У сваю чаргу, новыя нормы павінны садзейнічаць развіццю эканомікі.

Наша дзяржава праводзіць актыўную экспартную палітыку. Але, на жаль, не заўсёды за прададзеную прадукцыю нашы прадпрыемствы атрымліваюць грошы своечасова.

— Генеральнаму пракурору былі даручэнні па дэбіторскай запазычанасці, па выплаце заработнай платы — узяць на кантроль, — паведаміў Аляксандр Лукашэнка.

Спытаў кіраўнік краіны і пра зарплаты. Так, на кожным прадпрыемстве яны павінны выплачвацца своечасова — без варыянтаў.

Нападаць ні на кога не збіраемся

14 верасня пачнуцца сумесныя беларуска-расійскія вучэнні «Захад-2017». Якая сітуацыя ў гэтым плане?

— Ёсць армія, ёсць сумесная групоўка, узброеная на заходнім кірунку Беларусі і Расіі, — адзначыў Аляксандр Лукашэнка. — А раз яна існуе — мы ні ад кога гэтага не ўтойвалі, мы яе будзем вучыць ваяваць. На ўсялякі выпадак. Нападаць яны ні на кога не збіраюцца.

Прэзідэнт нагадаў, што паназіраць за вучэннямі ў Беларусь запрасілі ўсіх ахвотных.

Кіраўнік дзяржавы паведаміў, што на нарадзе ён таксама хацеў бы абмеркаваць такія тэмы, як правы непаўналетніх, папярэджанне выпадкаў гвалту ў сем'ях, злоўжыванне алкаголем.

У тэму

Станіслаў Зась, дзяржаўны сакратар Савета бяспекі, расказаў пра працу сілавікоў падчас уборачнай кампаніі:

— Праведзены немалыя работы па многіх гаспадарках. Мэта была адна — прадухіліць безгаспадарлівасць, выпадкі крадзяжоў, забяспечыць захаванасць і ўраджаю, і таварна-матэрыяльных каштоўнасцяў, кантроль за эксплуатацыяй тэхнікі... Можна адзначыць, што першы этап уборачнай кампаніі ў краіне прайшоў дастаткова арганізавана. Тая работа, якую праводзілі праваахоўныя органы, дала свой рэзультат: у гэты перыяд мы пазбеглі сур'ёзных здарэнняў, істотных страт ураджаю.

Па эксплуатацыі машын у нас адзначана дзевяць выпадкаў узгарання тэхнікі ў палях. Па кожным выпадку ідзе разбор. Акрамя гэтага, былі выпадкі ўзгарання і сховішчаў, і сушылак.

Аляксандр Канюк, генеральны пракурор, адзначыў, што такая з'ява, як пратэрмінаваная знешняя дэбіторская запазычанасць мае месца быць з-за некарэктнай працы замежных тавараправодных сетак. Гэтая запазычанасць перад айчыннымі прадпрыемствамі сёння складае больш за 500 мільёнаў долараў!

— Гэта праблема, відаць, усё-такі кампетэнцыі кіраўнікоў тавараправодных сетак, іх добрасумленнасці, — лічыць генеральны пракурор. — Прэзідэнт даручыў пад эгідай Дзяржсакратарыята Генеральнай пракуратуры і Савета Міністраў гэтае пытанне прааналізаваць і прадставіць сваё бачанне. Шмат праблем у дзейнасці тавараправоднай сеткі, у тым ліку крымінальнага характару.

Андрэй Раўкоў, міністр абароны, гаворачы пра блізкія беларуска-расійскія вучэнні, заявіў:

— Падрыхтоўка вучэнняў увайшла ў сваю завяршальную фазу. Таму мы кажам пра тое, што органы кіравання і войскі да выканання задач гатовы. Для гэтага створаны неабходныя групоўкі ў раёнах выканання вучэбна-баявых задач. Гэтымі раёнамі будуць з'яўляцца шэсць палігонаў Узброеных Сіл і два ўчасткі мясцовасці.

Што да трывогі, якую выказваюць суседнія дзяржавы з-за мерапрыемства, то міністр запэўніў: гэта часова.

— Калі мы праводзім у Мінску парад, таксама вельмі шмат пішуць, расказваюць розныя жахі і іншае. Парад заканчваецца — і пісаць перастаюць. Тое ж будзе і пасля вучэнняў, — упэўнены Андрэй Раўкоў.

Надзея ЮШКЕВІЧ

yushkevich@zviazda.by

Фота БЕЛТА

Загаловак у газеце: Ад жніва да вучэнняў

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».