Вы тут

Адраснае субсідзіраванне прафінансуюць шэсць банкаў


Рынак жылля налета чакае істотнае ажыўленне. Акрамя Беларусбанка і Белаграпрамбанка, яшчэ чатыры фінансавыя ўстановы вырашылі ў 2018 годзе накіраваць свае сродкі на адраснае субсідзіраванне ў жыллёвым будаўніцтве па Указе №240.


Гатоўнасць крэдытаваць насельніцтва па Указе №240 у 2017 годзе выявілі два асноўныя сістэмныя банкі, а ў 2018 годзе — Беларусбанк, Белаграпрамбанк, БПБ-Ашчадбанк, Прыорбанк, Белінвестбанк, БелВЭБ.

Прэм'ер-міністр Андрэй Кабякоў нагадаў, што тэма будаўніцтва жылля абмяркоўвалася два тыдні таму на пасяджэнні Прэзідыума Савета Міністраў. «Разам з дзеючымі схемамі льготнага крэдытавання (указы №13, 346 (будаўніцтва жылля ў вёсцы), кампенсацыя 50% стаўкі рэфінансавання), цяпер працуе новы інструмент — Указ №240. Сёлета па ім ужо знойдзены дадатковыя рэсурсы банкаў на 135 млн рублёў», — растлумачыў Андрэй Кабякоў.

На наступны год плануецца ўзмацніць механізм субсідзіравання грамадзян па новым Указе. На гэтыя мэты плануецца дадаткова прыцягнуць каля 400 млн крэдытных рэсурсаў. У праекце бюджэту на наступны год на субсідзіраванне грамадзян пад гэтыя крэдыты прадугледжана 50 млн рублёў.

Сяргей КУРКАЧ

kurkасh@zvіаzdа.bу

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».