Доўгі ланцужок

Панядзелак. Раніца. Дзед з чатырохгадовым унукам старанна мыюць бутэлькі, маўчаць.

— Дзядуля, а калі мы здадзім больш бутэлек, грошай выручым больш? — раптам пытае малы.

— Ну вядома ж, — згаджаецца той.

Унук пра нешта думае і выбудоўвае сапраўдны лагічны ланцужок:

— Дык значыць, чым больш ты будзеш піць, — робіць выснову ён, — тым больш у нас будзе бутэлек, чым больш будзе бутэлек, тым больш грошай... І ты, нарэшце, купіш мне шакаладку?..

Хацелася б напісаць, што дзеду стала сорамна перад унукам, і што ён замест бутэлькі віна купіў малому прысмакаў, але...

Многія дзяды (ды і бабулі, на жаль) даўно прапілі свой сорам.

Дзіна Дубадзелава, в. Леніна, Добрушскі раён