Злачыннасць усё часцей сцірае межы паміж краінамі. Асабліва гэта датычыцца сферы высокіх тэхналогій, наркатрафіка, гандлю людзьмі... І менавіта таму важна, каб праваахоўнікі з розных дзяржаў супрацоўнічалі адзін з адным.
Гэтай тэме і была прысвечана сустрэча старшыні Следчага камітэта Беларусі Івана Наскевіча з прадстаўніком Федэральнага бюро расследаванняў Злучаных Штатаў Амерыкі па прававых пытаннях Ёханэсам Ван Дэн Хугенам, часовым павераным у справах ЗША ў Рэспубліцы Беларусь Робертам Райлі, а таксама з супрацоўнікамі амерыканскага пасольства ў нашай краіне.
«Мы з вамі — прадстаўнікі праваахоўных органаў. І таму разумеем, што цяпер злачыннасць усё часцей выходзіць за дзяржаўныя межы, нясе рэальную пагрозу міжнароднай бяспецы і патрабуе прыняцця адэкватных і ўзгодненых мер», — сказаў Іван Наскевіч.
У сваю чаргу, Ёханэс Ван Дэн Хуген запэўніў беларускіх калег у садзейнічанні пры іх запыце аб аказанні прававой дапамогі па крымінальных справах.
Валяр'ян ШКЛЕННІК
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
