Пошта — дзецям

Пакеты з канцылярскімі прыладамі, сшыткі і дзіцячыя часопісы ўручыла сваім шматдзетным супрацоўнікам кіраўніцтва Магілёўскага філіяла Белпошты.

Віншаванні прымалі паштальёны Наталля Аўдзеева, маці чацвярых дзяцей, і Тамара Царонак, у сям'і якой выхоўваецца трое дзетак.

— Такім чынам мы далучыліся да дабрачыннай акцыі «Прафсаюзы — дзецям», — адзначыла дырэктар Магілёўскага філіяла РУП «Белпошта» Алена Котава. — За кошт прафсаюзных сродкаў на нашым прадпрыемстве аказваецца матэрыяльная дапамога шматдзетным, малазабяспечаным і апякунскім сем'ям, а таксама сем'ям, дзеці якіх ідуць у першы клас.

Нэлі ЗІГУЛЯ

zigulya@zviazda.by