Супрацоўнікамі 7-га ўпраўлення па Віцебскай вобласці ГУБАЗіК МУС Беларусі затрыманы жыхары Віцебска, якія падазраюцца ў выкраданні чалавека.
Як паведамілі ў МУС, была атрымана аператыўная інфармацыя аб тым, што 24-гадовага менеджара аднаго з прыватных прадпрыемстваў абласнога цэнтра збілі, вывезлі ў дачны пасёлак і ўтрымлівалі там. У ходзе дэталёвай прапрацоўкі інфармацыі аператыўнікі ўстанавілі ахвяру злачынства, а таксама кола асоб, да яго датычных. Таксама была сабрана неабходная доказная база для прад'яўлення абвінавачвання.
Папярэдне ўстаноўлена, што група жыхароў Віцебска, двое з якіх раней судзімыя, дамовіліся аб сустрэчы з пацярпелым. Яны збілі яго, прычыніўшы цялесныя пашкоджанні, гвалтоўна пасадзілі ў аўтамабіль і вывезлі на дачу да сваяка аднаго з фігурантаў справы, дзе і ўтрымлівалі некаторы час.
Атрымаўшы ўсе неабходныя доказы злачыннай дзейнасці групы, аператыўнікамі было прынята рашэнне аб яе затрыманні. Двое падазраваных, якія вярталіся з тэрыторыі Расійскай Федэрацыі, былі затрыманы на Воранаўскім кальцы на ўездзе ў Віцебск. Яшчэ трое адначасова лакалізаваны на тэрыторыі горада.
У ходзе вобыску па месцы жыхарства фігурантаў выяўлены наручнікі і тры пісталеты, аб баявых уласцівасцях якіх зробіць выснову прызначаная экспертыза.
Заведзена крымінальная справа па п. 6 (групай асоб па папярэдняй змове) ч. 2. арт. 182 КК Рэспублікі Беларусь «Выкраданне чалавека».
Сяргей РАСОЛЬКА
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».