Святочнае мерапрыемства да 100-годдзя з дня нараджэння Пімена Панчанкі і Янкі Брыля, казкі на стужках, эка-маркет «Пастэрнак» – афіша «Звязды» з 21 па 27 жніўня.
Дзе: Дзяржаўны музей гісторыі беларускай літаратуры (вул. М. Багдановіча, 13)
Калі: 23 жніўня, 17:00
Колькі каштуе: бясплатна
Урачыстае адкрыццё дзвюх экспазіцый у адзін дзень Дзяржаўны музей гісторыі беларускай літаратуры прызначыў невыпадкова: даследчыкі адзначаюць пэўнае падабенства лёсаў Янкі Брыля і Пімена Панчанкі.
На экспазіцыях будуць прадстаўлены матэрыялы з фондаў музея (фатаграфіі, рукапісы, лісты, кнігі), прадметы з асабістых архіваў Пімена Панчанкі і Янкі Брыля. Усё гэта дасць магчымасць прасачыць жыццёвы і творчы шлях пісьменнікаў.
Дзе: «Duplex Art Studio» (пр-т Дзяржынскага, 9)
Калі: 23 жніўня, 18:30
Колькі каштуе: 8 р.
Праект «Дыяфільм live» запрашае дзяцей ад 3-х год і дарослых на сямейны паказ дыяфільмаў з жывой агучкай.
Гэтае мерапрыемства падыходзіць для ўсёй сям'і. Бацькі змогуць пагрузіцца ў цудоўныя ўспаміны свайго дзяцінства, калі звычайная белая прасціна станавілася парталам у казачныя светы. Дзеці пачуюць новыя або ўжо забытыя старыя казкі, выкананыя незвычайным для іх спосабам.
Дзе: Палац спорту (пр-т Пераможцаў, 4)
Калі: 23 жніўня, 18:30
Колькі каштуе: бясплатна
Хочаце правесці апошнія дні лета з карысцю? Эка-маркет «Пастэрнак» чакае вас. Тут ведаюць, як адпачыць усёй сям'ёй. Вас чакае мора уражанняў, маса эмоцый, вялікі выбар смачнай і здаровай ежы, шмат экалагічных тавараў, а таксама прыемныя розыгрышы і конкурсы.
Дзе: Нацыянальны мастацкі музей (вул. Леніна, 20)
Калі: па 20 верасня, 11:00-19:00
Колькі каштуе: удакладняць у касе
Экспазіцыя выставы не толькі знаёміць з творамі вядомых польскіх мастакоў, але і з’яўляецца прэзентацыяй Падляскага музея ў Беластоку і Акруговага музея ў Сувалках, размешчаных у Падляскім ваяводстве, бліжэйшым (разам з Люблінскім) па суседству з Беларуссю.
Дзе: стадыён гімназіі №42 Мінска
Калі: 16, 23, 30 жніўня, 18:30 і 19:30
Колькі каштуе: бясплатна
На бясплатныя трэніроўкі «Free Minsk Workout» можа трапіць любы жадаючы. Кожную сераду на стадыёне 42 гімназіі будуць праводзіцца заняткі па фітнесу ў 18:30 і ёзе ў 19:30.
Усё, што вам спатрэбіцца, – добры настрой, дыванок і вада.
Дзе: Дом Ван Гога
Калі: па 1 кастрычніка, 12:00-22:00
Колькі каштуе: 7 р., ільготны квіток — 4 р.
У Мінску ў Доме Ван Гога праходзіць выстава рэпрадукцый вялікага постімпрэсіяніста.
Старадаўняя мэбля для экспазіцыі была дастаўлена напрамую з Галандыі. Цэнтрам натхнення для гасцей стане старая французская лодка, падвешаная да столі, на якой намалявана зорнае неба з аднайменнай карціны Ван Гога «Зорная ноч». Акрамя гэтага, кожную гадзіну для гасцей транслюецца дакументальны фільм пра жыццё геніяльнага мастака.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.