23 Май, серада

Вы тут

Беларускія спартсмены выступяць на Сусветнай летняй універсіядзе


Спаборніцтвы праходзяць з 19 па 30 жніўня ў горадзе Тайбэй (Тайвань) пад эгідай Міжнароднай Федэрацыі студэнцкага спорту (FISU). 


Гэты найбуйнейшы міжнародны спартыўны форум прыме каля 11 тысяч удзельнікаў з больш чым 130 краін свету, якія будуць змагацца за 275 камплектаў медалёў у 24 відах спорту

Ад нашай краіны выступяць 34 атлеты, якія прадстаўляюць 13 беларускіх устаноў вышэйшай адукацыі. Беларусы прымуць удзел у спаборніцтвах у 9 відах спорту: фехтаванні, цяжкай атлетыцы, таэквандо, плаванні, ролер-спорце, настольным тэнісе, лёгкай атлетыцы, у-шу і мастацкай гімнастыцы. 

У дэлегацыю ўвайшлі Дар’я Навумава - сярэбраны прызёр Алімпійскіх гульняў 2016 года ў спаборніцтвах па цяжкай атлетыцы; Эльвіра Герман - неаднаразовы прызёр міжнародных спаборніцтваў па лёгкай атлетыцы ў бар’ерным бегу; Павел Барэйша - сярэбраны прызёр Сусветнай летняй універсіяды 2015 года ў кіданні молата і іншыя вопытныя спартсмены. 

На апошняй Сусветнай летняй універсіядзе 2015 года ў Кванджу беларусы заваявалі 12 медалёў, а ў 2013 годзе ў Казані паставілі рэкорд - прынеслі ў скарбонку зборнай 40 узнагарод

Між іншым, студэнцкая Універсіяда дала штуршок шматлікім цяпер ужо знакамітым спартсменам, такім, напрыклад,  як плыўчыха Аляксандра Герасіменя, бягуння Аліна Талай, гімнастка Любоў Чаркашына, а таксама Марыя Мамашук, якая заваявала "серабро" Алімпіяды ў Рыа-дэ-Жанейра ў вольнай барацьбе. 

У Міністэрстве адукацыі адбыліся ўрачыстыя провады беларускай  дэлегацыі на міжародны спартыўны форум.  

- Мы прынялі праграму развіцця студэнцкага спорту. Важна, каб усе зацікаўленыя падключыліся да яе рэалізацыі. Мы выступаем за развіццё масавага спорту, за тое, каб у школах адкрываліся спартыўныя класы, - адзначцыў падчас сустрэчы са спартсменамі міністр адукацыі Ігар Карпенка. - Сёння разглядаецца пытанне аб прадастаўленні маладым спартсменам шэрагу прэферэнцый пры паступленні ва ўніверсітэты. У вышэйшай школе наша задача - стварыць максімальна камфортныя ўмовы для таго, каб студэнты атрымлівалі якасную адукацыю, якая дазволіць ім паспяхова будаваць сваю спартыўную кар’еру. 

Надзея НІКАЛАЕВА

Дадаць каментар

Выбар рэдакцыі

Грамадства

Чым здзівілі і ўразілі ўдзельнікі WorldSkіlls Belarus 2018?

Чым здзівілі і ўразілі ўдзельнікі WorldSkіlls Belarus 2018?

Як вы думаеце, ці шмат страў можна прыгатаваць з буракоў?

Грамадства

Лагеры наводзяць апошні лоск

Лагеры наводзяць апошні лоск

Сярэдні кошт пуцёўкі сёлета — 430 рублёў.

Грамадства

Як на тры гадзіны стаць велабёрдарам

Як на тры гадзіны стаць велабёрдарам

Зусім нядаўна ў Мінску з'явілася ўнікальнае для Беларусі месца — «Горад птушак».

Грамадства

Наколькі Мінск гатовы прымаць усе катэгорыі турыстаў?

Наколькі Мінск гатовы прымаць усе катэгорыі турыстаў?

«Мы нават і не думалі, што існуюць такія праблемы...».