23 студзеня, аўторак

Вы тут

У Мінску пройдуць выставы, прысвечаныя Пімену Панчанку і Янку Брылю


Выставы да 100-годдзя з дня нараджэння народнага паэта Беларусі Пімена Панчанкі і народнага пісьменніка Беларусі Янкі Брыля адкрыюцца 23 жніўня ў Дзяржаўным музеі гісторыі беларускай літаратуры, паведамілі ў музеі.


Супрацоўнікі музея падрыхтавалі выставу "Пімен Панчанка. Кніга падарожжаў і любові ..." і літаратурна-дакументальную часовую экспазіцыю "Янка Брыль. З людзьмі і сам-насам", дзе будуць прадстаўлены матэрыялы з фондаў музея (фатаграфіі, рукапісы, лісты, кнігі), прадметы з асабістых архіваў пісьменнікаў. Усё гэта дасць магчымасць прасачыць іх жыццёвы і творчы шлях.

Урачыстае адкрыццё двух экспазіцый у адзін дзень Дзяржаўны музей гісторыі беларускай літаратуры прызначыў невыпадкова: даследчыкі адзначаюць пэўнае падабенства лёсаў Янкі Брыля і Пімена Панчанкі. Нарадзіліся пісьменнікі ў жніўні 1917 года за межамі Беларусі: Янка Брыль - 4 жніўня ў Адэсе, Пімен Панчанка - 23 жніўня ў Таліне. Іх творчая спадчына заняла ганаровае месца ў залатым фондзе беларускай нацыянальнай літаратуры.

На адкрыцці экспазіцый сумесна з Міністэрствам сувязі і інфарматызацыі адбудзецца гашэнне паштовай маркі і канверта, прысвечаных юбілею Пімена Панчанкі, і ўрачыстая перадача ў фонды музея юбілейнага канверта з арыгінальнай маркай "100 гадоў з дня нараджэння Янкі Брыля".

Гасцямі мерапрыемства стануць і прадстаўнікі футбольнага клуба мінскага "Дынама", заўзятарам якога быў Пімен Панчанка. Пісьменнік амаль ніколі не прапускаў матчы каманды, таму заўзятары "Дынама" разам з клубам падрыхтавалі падарунак, які будзе прадстаўлены на выставе.

У мерапрыемстве прымуць таксама ўдзел прадстаўнікі Міністэрства культуры, пасольстваў Ірана, Польшчы ў Беларусі, пісьменнікі, сябры, родныя Пімена Панчанкі і Янкі Брыля, прыхільнікі творчасці беларускіх аўтараў

БЕЛТА

Дадаць каментар

Выбар рэдакцыі

Грамадства

Знайсці працу дапаможа служба занятасці насельніцтва

Знайсці працу дапаможа служба занятасці насельніцтва

Хойніцкі, Брагінскі і Жлобінскі раёны афіцыйна адносяцца да тых, дзе адзначаецца самы высокі ўзровень беспрацоўя — 0,8 %.

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей.