Такі выпадак адбыўся ў сталіцы. Удзень 70-гадовы мінчанін спрабаваў дабрацца з вёскі дадому на легкавіку без задняга кола.
«Фольксваген Гольф» рухаўся па вуліцы Радыяльнай з тэхнічнай няспраўнасцю — без задняга правага кола. Заўважыўшы задымленне, супрацоўнікі ДАІ Заводскага РУУС сталіцы спынілі аўтамабіль. Па словах кіроўцы 1947 года нараджэння, ён вяртаўся ў Мінск з вёскі, у дарозе ў яго прабіла кола. Ён паклаў яго на задняе сядзенне, а сам вырашыў прадоўжыць рух. А пасля высветлілася, што мужчына ўвогуле не мае права вадзіць машыну, паколькі не прыгодны да кіравання транспартнымі сродкамі па медыцынскіх паказчыках. Машыну даставілі па месцы жыхарства кіроўцы эвакуатарам.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.