23 Май, серада

Вы тут

Ацалі мяне, крыніца


Тысячы паломнікаў і турыстаў зноў завіталі на народнае прыгожае свята Макаўе, якое традыцыйна адзначаецца 14 жніўня ў Слаўгарадскім раёне каля знакамітай Блакітнай крыніцы. У гэты дзень тут адбываецца богаслужэнне і ўсе ахвотныя могуць прыняць хрышчэнне, як гэта рабілі нашы продкі тысячу гадоў таму. Як сведчыць гісторыя, менавіта тут першыя хрысціяне з племя радзімічаў прыносілі свае шчырыя абяцанні служыць Госпаду і радзіме. Ёсць шмат прыкладаў таго, што пасля акунання ў ваду і гарачай малітвы хваробы адступалі. І пацвярджэннем таму паломнікі не толькі з Беларусі, але і з блізкага і далёкага замежжа.


Тут заўсёды шмат ахвотных далучыцца да таінства, прыняць удзел у хросным ходзе, асвяціць мёд, лекавыя травы, моркву, мак. А яшчэ — дакрануцца да вялікага каменя, які, паводле прыгожай легенды, крышачку не дакінуў каханы прыгажуні Кацярыны з тутэйшага племені асілкаў у спаборніцтве за яе руку. І дзяўчына, замест таго каб выйсці замуж за саперніка, ператварылася ў крыніцу, якая дагэтуль радуе людзей. Кажуць, на світанку можна нават убачыць, як каля вады прыгажуня пляце касу. Крыніца вабіць не толькі сваімі казкамі і легендамі, а яшчэ і тым, што тут захавалася тая спрадвечная прыгажосць, якая існавала стагоддзі таму. Унікальнасць прыроды і крыніцы (яна лічыцца эталонам чысціні падземных вод) спрыяла таму, што тут паявіўся Цэнтр экалогіі крынічнай вады і вядуцца работы па стварэнні заказніка.

 

Свята Макаўе дае магчымасць адчуць сувязь пакаленняў, захапіцца тым, наколькі багатае і цудоўнае наша мінулае. Яго здабыткі ўжо каторы год папулярызуюць слаўгарадскія сыраробы, якія вырабляюць свае прысмакі па старадаўніх рэцэптах. Іх сыры, а таксама смачны сёлетні мёд і шмат чаго не менш карыснага і гаючага можна было пакаштаваць і набыць на гэтым свяце. Каля 50 тысяч чалавек, якія наведалі яго, зарадзіліся здароўем і эмоцыямі на цэлы год. А налета Блакітная крыніца зноў чакае вас у госці.

Нэлі ЗІГУЛЯ

zіgulya@zvіazda.by

Фота Анатоля КЛЕШЧУКА

Дадаць каментар

Выбар рэдакцыі

Грамадства

Чым здзівілі і ўразілі ўдзельнікі WorldSkіlls Belarus 2018?

Чым здзівілі і ўразілі ўдзельнікі WorldSkіlls Belarus 2018?

Як вы думаеце, ці шмат страў можна прыгатаваць з буракоў?

Грамадства

Лагеры наводзяць апошні лоск

Лагеры наводзяць апошні лоск

Сярэдні кошт пуцёўкі сёлета — 430 рублёў.

Грамадства

Як на тры гадзіны стаць велабёрдарам

Як на тры гадзіны стаць велабёрдарам

Зусім нядаўна ў Мінску з'явілася ўнікальнае для Беларусі месца — «Горад птушак».

Грамадства

Наколькі Мінск гатовы прымаць усе катэгорыі турыстаў?

Наколькі Мінск гатовы прымаць усе катэгорыі турыстаў?

«Мы нават і не думалі, што існуюць такія праблемы...».