Гідравузел «Санься» не мог справакаваць землятрус

Аб гэтым заявіў зксперт з Інжынернай акадэміі Кітая.

Эксперт з Інжынернай акадэміі Кітая (ІАК) абверг здагадкі, якія распаўсюдзіліся ў інтэрнэце, аб тым, што гідравузел "Санься" ("Тры цясніны") мог справакаваць землятрус магнітудай 7,0 у правінцыі Сычуань (Паўднёва-Заходні Кітай), які адбыўся на мінулым тыдні, перадае "Жэньмінь жыбаа" анлайн". 

Эпіцэнтр землятрусу размяшчаўся побач з трыма зонамі тэктанічных разломаў, дзе частая сейсмічная актыўнасць робіць раён вельмі схільным да землятрусаў, заявіў акадэмік Інжынернай акадэміі Кітая Чэнь Хоуцюнь. Гідравузел "Санься" быў пабудаваны ўздоўж сярэдняга і ніжняга цячэння ракі Янцзы, якія не ўваходзяць у тую ж структурную геалагічную адзінку і зоны тэктанічнай актыўнасці, якія выклікалі землятрус у Цзючжайгоу", - дадаў Чэнь Хоуцюнь. Такім чынам, акадэмік абверг заяву аб тым, што гідравузел "Санься" справакавала землятрус або наведзеную сейсмічнасць. "Перад пачаткам будаўніцтва былі праведзены шматлікія даследаванні, каб выключыць магчымасць наведзенай сейсмічнасці", - сказаў Чэнь Хоуцюнь, дадаўшы, што гідравузел "Санься" пабудаваны ў геалагічна стабільнай зоне.

Па словах Чэнь Хоуцюня, з усіх існуючых у свеце вадасховішчаў толькі 4 сталі прычынай землятрусаў магнітудай вышэй за 6 балаў. Лю Цзе, намеснік кіраўніка Кітайскага цэнтра сейсмалагічных сетак, таксама прывёў свае довады датычна прычын землятрусу. "У Кітаі землятрусы магнітудай у 7 балаў - не рэдкасць. У сярэднім яны адбываюцца два разы кожныя тры гады", - сказаў Лю Цзе. Прайшло 24 месяцы з моманту апошняга землятрусу магнітудай 7 балаў і 8 месяцаў з землятрусу ў 6 балаў, дадаў ён. "Цяпер Кітай не застаецца ў перыядзе сейсмічнай актыўнасці", - адзначыў Лю Цзе.

Як вядома, два магутных землятрусы магнітудай 7 і 6,6 бала адбыліся ў Кітаі ў аўторак і сераду ў павеце Цзючжайгоу правінцыі Сычуань (Паўднёва-Заходні Кітай) і ў павеце Цзінхэ Бортала-мангольскай аўтаномнай акругі Сіньцзян-Уйгурскага аўтаномнага раёна (Паўночна-Заходні Кітай) адпаведна. Землятрус у Цзючжайгоу абярнулася катастрофай - загінулі па меншай меры 24 чалавекі і яшчэ 493 атрымалі раненні. Былі эвакуіраваны больш за 61,5 тыс турыстаў і работнікаў, якія прыехалі на працу з іншых раёнаў Кітая.