У Маладзечне прайшоў судзейскі збор, удзел у якім упершыню прынялі дзве дзяўчыны, якія ўжо раней працавалі на спаборніцтвах пад эгідай Федэрацыі хакея Беларусі. У сезоне-2017/18 Віталія Хаміцэвіч і Анастасія Танасевіч паспрабуюць сябе ў якасці лінейных суддзяў, абслугоўваючы матчы найвышэйшай лігі чэмпіянату Беларусі.
У федэрацыі хакея краіны адзначылі, што раней ФХБ ужо выступала з рэкамендацыяй да абслугоўвання жаночых спаборніцтваў пад эгідай Міжнароднай федэрацыі хакея. Цалкам магчыма, што хтосьці з дзяўчат ужо ў найбліжэйшым сезоне атрымае першыя міжнародныя прызначэнні.
Заўважым, што заняткамі на зборы галоўных і лінейных арбітраў, а таксама інспектараў судзейскага корпуса кіраваў старшыня судзейскага камітэта ФХБ Уладзімір Праскураў. Удзел у мерапрыемстве прынялі 63 чалавекі.
Дар'я ЛАБАЖЭВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.