Падрыхтоўка інфраструктуры Мінска да ІІ Еўрапейскіх гульняў 2019 года разгледжана на чарговым пасяджэнні рэспубліканскага арганізацыйнага камітэта.
Нарада прайшла пад старшынствам прэм'ер-міністра Андрэя Кабякова. Сярод разгледжаных пытанняў — фінансаванне мерапрыемстваў па падрыхтоўцы гульняў, распрацоўка сістэмы сканіравання білетаў і размяшчэнне дырэкцыі па правядзенні турніру.
Андрэй Кабякоў праінфармаваў, што кіраўнік дзяржавы ўзгадніў прапановы аргкамітэта па канцэпцыі брэнда ІІ Еўрапейскіх гульняў, яму былі даложаны падыходы па відах спорту і асноўныя палажэнні кантракта. Таксама прэм'ер-міністр адзначыў, што неабходна выпрацаваць дакладныя падыходы да фінансавання расходаў на правядзенне гульняў. «Лішніх грошай у бюджэце няма. Выдаткі будуць толькі на самае неабходнае, таму прашу ўсё пралічваць дэталёва, абгрунтоўваць кожны рубель, шукаць іншыя рэзервы, працаваць над зніжэннем кошту абсталявання і паслуг. Да гэтых пытанняў трэба ставіцца вельмі адказна», — цытуе прэс-служба кіраўніка ўрада.
Дар'я ЛАБАЖЭВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.