На адзін вечар паркоўка ў цэнтры Гомеля ператварылася ў музычную залу пад адкрытым небам.
Шэдэўры сусветнай класікі — ад Шапэна да Сінатры — выконвалі самадзейныя і прафесійныя музыканты на 12 старых фартэпіяна. Музычныя інструменты былі сабраны прадпрымальнікам Арцёмам Крукавым. Гаспадары піяніна пазбавіліся ад іх з задавальненнем, а арганізатары перформанса падарылі ім другое жыццё. Гомельскаму музыканту Віктару Мацькунову спатрэбіўся месяц, каб усе музычныя інструменты загучалі без фальшу. Самым малодшым удзельнікам музычнай акцыі стаў 13-гадовы Арцемій Хрушчоў, які толькі сёлета пяць разоў быў прызёрам розных музычных конкурсаў. Школьнік зачараваў слухачоў «Элегіяй» Сяргея Рахманінава.
Па заканчэнні вечарыны арганізатары падарылі піяніна ўсім, хто пажадаў. Дарэчы, арганізатары музычнага перформанса кінулі выклік Мінску, Кіеву і Маскве: ці змогуць жыхары гэтых гарадоў паўтарыць нешта падобнае?
Ірына АСТАШКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
