Вы тут

Памёр Уладзімір Бядуля, гаспадарчы і дзяржаўны дзеяч Беларусі


Ва ўзросце 90 гадоў пайшоў з жыцця Уладзімір Бядуля, гаспадарчы і дзяржаўны дзеяч Беларусі, двойчы Герой Сацыялістычнай Працы, заслужаны работнік культуры Беларусі.


Фото: rg.ru

Уладзімір Лявонцьевіч Бядуля нарадзіўся ў 1927 годзе ў в.Падомша Камянецкага раёна Брэсцкай вобласці. З 1951 года быў на камсамольскай рабоце. З 1956 года - старшыня калгаса "Савецкая Беларусь" Камянецкага раёна, з 2006 года - ганаровы старшыня.

50 гадоў на пасадзе кіраўніка сельгаспрадпрыемства даліся Уладзіміру Лявонцьевічу нялёгка, але ён заўсёды быў удзячны лёсу за гэты выбар, таму што з дзяцінства спасціг адзіную для сябе праўду - хлеб усяму галава.

Працоўны подзвіг Уладзіміра Бядулі стаў магчымы дзякуючы выдатным здольнасцям яго як арганізатара і кіраўніка, а таксама глыбокім прафесійным ведам. Яму былі ўласцівыя лепшыя рысы селяніна - ашчадлівае стаўленне да зямлі, прыродная кемлівасць, адданасць сельскай рамяству, беражлівыя адносіны да прыроды, любоў да людзей і роднага краю. І менавіта ўсё гэта прынесла Уладзіміру Лявонцьевічу заслужаны аўтарытэт, павагу і прызнанне. Не выпадкова землякі неаднаразова давяралі Уладзіміру Лявонцьевічу прадстаўляць свае інтарэсы ў мясцовых і вышэйшых выбарных органах улады.

Заслугі Уладзіміра Бядулі перад Айчынай ацэнены па вартасці. Двойчы Герой Сацыялістычнай Працы, кавалер ордэнаў Леніна, Кастрычніцкай рэвалюцыі, Працоўнага Чырвонага Сцяга, Дружбы народаў, "Знак Пашаны", ордэн Айчыны III ступені, ордэн Францыска Скарыны - гэта далёка не поўны пералік знакаў адрознення, якія атрымаў Уладзімір Бядуля за працоўныя справы і грамадскую дзейнасць.

У горадзе Камянец указам Прэзідэнта быў усталяваны бронзавы бюст Уладзіміра Бядулі.

БЕЛТА

Выбар рэдакцыі

Грамадства

Што трэба, каб пражыць даўжэй?

Што трэба, каб пражыць даўжэй?

Герыятр распавядае пра сакрэты доўгажыхароў і тое, што падаўжае наша жыццё.

Спорт

З агнём Еўрапейскіх гульняў карэспандэнт «Звязды» адправілася ў кар’еры

З агнём Еўрапейскіх гульняў карэспандэнт «Звязды» адправілася ў кар’еры

Сярод 450 шчасліўчыкаў, якім даверана несці факел з агнём ІІ Еўрапейскіх гульняў, аказалася наша Дар'я Лабажэвіч.

Грамадства

Будні сельскага ўрача

Будні сельскага ўрача

З якімі наступствамі аптымізацыі прыходзіцца яму сутыкацца падчас работы.