Радыёстанцыя «Радыус-FM», якая ў ліпені адзначае 14-ы дзень нараджэння, абяцае хутка парадаваць слухачоў новымі праектамі і галасамі.
«За ўсю гісторыю станцыі мы некалькі разоў мянялі фармат вяшчання, — успамінае намеснік кіраўніка «Радыус-FM» Уладзіслаў Радзюкоў. — Сёння мы — маладзёжнае радыё з самым свежым кантэнтам. У першую чаргу гэта, натуральна, музыка — найлепшыя і самыя свежыя хіты. Другая задача — утрымаць слухача каля радыёпрыёмніка, таму праекты, якія страчваюць папулярнасць, неадкладна знікаюць з эфіру, а на іх месца прыходзяць актуальныя перадачы. Напрыклад, нядаўна ў нас з'явіліся еўрапейскія радыёшоу «Kіngdоm» і «Sріnnіn' Sеssіоns» з удзелам самых вядомых у свеце выканаўцаў. Акрамя таго, мы заўжды трымаем зваротную сувязь — нават нягледзячы на тое, што агульная аўдыторыя падпісчыкаў нашых старонак у сацсетках перавышае 28 тысяч чалавек, стараемся ўсім адказваць і ўлічваць пажаданні». У сезоне 2017—2018 года, інтрыгуюць на радыёстанцыі, слухачоў чакаюць некалькі свежых праграм, а таксама сустрэча з новай вядучай — Ганнай Ліпай.
Вікторыя ЗАХАРАВА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
