Магчымасць скласці ўласнае меркаванне аб змесце і складанасці матэрыялаў сёлетняга цэнтралізаванага тэсціравання хутка з'явіцца ў бацькоў абітурыентаў, настаўнікаў, выкладчыкаў і рэпетытараў. Па традыцыі яшчэ да завяршэння прыёмнай кампаніі ў гандлёвую сетку краіны паступяць зборнікі з тэставымі заданнямі, якія былі прапанаваныя ўдзельнікам ЦТ 2017 года — усе варыянты па ўсіх дысцыплінах.
Такім чынам кожны зможа пераканацца ў адэкватнасці патрабаванняў, што прад'яўляюцца да абітурыентаў пры правядзенні ЦТ, і параўнаць свае адказы на тэставыя заданні з апублікаванымі ў зборніках.
А ў верасні, як абяцаюць у Рэспубліканскім інстытуце кантролю ведаў, выйдуць зборнікі тэстаў па 9 вучэбных прадметах, якія змяшчаюць заданні цэнтралізаванага тэсціравання за 2012—2016 гады. З іх дапамогай старшакласнікі і абітурыенты будуць мець магчымасць не толькі сістэматызаваць і самастойна пракантраляваць свае веды, але і прасачыць асноўныя тэндэнцыі ў фарміраванні заданняў цэнтралізаванага тэсціравання.
Надзея НІКАЛАЕВА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.