21 верасня, панядзелак

Вы тут

Міністр замежных спраў Латвіі прыехаў з рабочым візітам у Мінск


У нашай краіне працуе звыш 900 кампаній з латвійскім капіталам. Гэта сведчыць пра пэўны давер і ўзаемны інтарэс паміж дзвюма краінамі. На сустрэчы міністраў замежных спраў Беларусі і Латвіі бакі абмеркавалі перспектывы супрацоўніцтва.


Актывізацыю кантактаў паміж дзяржавамі адзначыў кіраўнік знешнепалітычнага ведамства Беларусі Уладзімір МАКЕЙ. На гэта ўплывае і працэс нармалізацыі стасункаў нашай рэспублікі з Еўрапейскім саюзам. Павышэнне ўзроўню двухбаковых палітычных кантактаў спрыяе развіццю раўнапраўнага дыялогу і супрацоўніцтва ў гандлёва-эканамічнай сферы. Міністр замежных спраў Беларусі адзначыў патэнцыял у такіх галінах, як дрэваапрацоўка, вытворчасць харчовай прадукцыі, фармацэўтыка, лагістыка, інфармацыйна-камунікацыйныя тэхналогіі, турызм і будаўніцтва. Да таго ж новыя магчымасці ва ўзаемадзеянні адкрываюцца для нашых краін як удзельніц ініцыятывы эканамічнага пояса Шаўковага шляху.

Уладзімір Макей адзначыў, што цяпер, напярэдадні правядзення ў Беларусі і Латвіі чэмпіянату свету па хакеі 2021 года, неабходна пачынаць працу па стварэнні сумесных турыстычных маршрутаў, удасканаленні аўтамабільнай інфраструктуры і прыдарожнага сэрвісу. Гэта дапаможа эфектыўна выкарыстаць турыстычны патэнцыял абедзвюх краін.

Па выніках перагавораў міністр замежных спраў Латвіі Эдгарс РЫНКЕВІЧС падкрэсліў, што ў Латвіі няма больш пытанняў да беларуска-расійскіх вучэнняў «Захад-2017». Нягледзячы на тое, што Беларусь і Латвія належаць да розных блокаў — АДКБ і НАТА адпаведна, — узаемадзеянне ў галіне бяспекі ідзе канструктыўна. «Мы з павагай ставімся да выбару, які ёсць у нашых краін у сферы ваеннай бяспекі», — дадаў міністр замежных спраў Латвіі. Таксама Эдгарс Рынкевічс адзначыў станоўчыя зрухі ў аб'ёмах гандлю пасля пэўнага крызіснага перыяду.

Надзея АНІСОВІЧ

аnіsоvісh@zvіаzdа.bу

Фота БЕЛТА

Загаловак у газеце: Дыялог з паўночнымі суседзямі

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.