Медаль найвышэйшай пробы заваявалі на ІХ Міжнародным турніры юных матэматыкаў у Румыніі беларускія школьнікі.
У адрозненне ад алімпіяд турнір уяўляе сабой камандныя спаборніцтвы навучэнцаў ва ўменні рашаць складаныя даследчыя матэматычныя задачы, правільна і пераканаўча падаваць атрыманыя вынікі і аргументавана адстойваць свой пункт погляду ў дыскусіях.
Турнір складаецца з некалькіх матэматычных баёў, у якіх каманды па чарзе дакладваюць аб сваіх даследаваннях па прапанаваных заданнях, а таксама выступаюць у ролі апанентаў і рэцэнзентаў для іншых удзельнікаў.
Асноўнымі ініцыятарамі і арганізатарамі турніру выступаюць матэматыкі з дзвюх ВНУ: універсітэта Парыж-Сюд (Францыя) і Беларускага дзяржаўнага ўніверсітэта.
За ўсе гады свайго ўдзелу ў Міжнародным турніры юных матэматыкаў беларускія школьнікі заваявалі пяць залатых, тры сярэбраныя і чатыры бронзавыя медалі. Гэта найлепшы вынік сярод усіх краін-удзельніц Міжнародных турніраў юных матэматыкаў.
Вынікам удзелу ў турніры ў 2017 годзе стаў залаты медаль. У рэйтынгу камандаў, якія прынялі ўдзел у турніры, наша дружына заваявала абсалютнае першае месца.
У беларускую каманду-пераможцу ўвайшлі Яўген Заброцкі (навучэнец ХІ класа гімназіі №3 г. Салігорска), Уладзіслаў Зверык (навучэнец ІХ класа гімназіі №20 г. Мінска), Пётр Ігнаценка (навучэнец Х класа Ліцэя БДУ), Васіль Умеранкоў (навучэнец ХІ класа Ліцэя БДУ), Анатоль Шаціла (навучэнец Х класа ліцэя БДУ) і Мікалай Шашко (навучэнец ХІ класа гімназіі №41 г. Мінска).
Надзея НІКАЛАЕВА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».