Вы тут

Лукашэнка правёў рабочую сустрэчу са старшынёй Вярхоўнага суда


Эфектыўнасць работы пасля аб'яднання агульных і эканамічных судоў стала адной з тэм размовы. Да таго ж кіраўнік дзяржавы і Валянцін Сукала, старшыня Вярхоўнага суда, абмеркавалі пытанні аптымізацыі і ўдасканалення правапрымяняльнай практыкі ў некаторых сферах.


Прэзідэнт папрасіў Валянціна Сукалу падзяліцца сваім меркаваннем наконт сучасных тэндэнцый у эканоміцы, зыходзячы з аналізу судовых спраў: «Ваш пункт гледжання і вашы ацэнкі па дзейнасці вашых калег — тых, хто прыносіць у суды справы, асабліва крымінальныя. Мабыць, у эканоміцы нейкія (у вас гэта відаць, як у люстэрку, па гаспадарчай частцы) небяспечныя тэндэнцыі вызначаюцца або адбываюцца, зыходзячы з спраў, якія паступаюць».

Аб'яднаная судовая сістэма агульных і эканамічных судоў працуе ў Беларусі на працягу трох гадоў. За гэты час былі вырашаны ўсе асноўныя пытанні: прайшла адаптацыя судаводства да новых умоў. Па словах Валянціна Сукалы, зараз судовая сістэма ўстойлівая і рацыянальная. Правасуддзе стала аператыўней рэагаваць па справах як у эканамічных, так і ў агульных судах. Плануецца скараціць колькасць адкладання, прыпынення і перапынкаў у працэсе разгляду судовых спрэчак. За кошт гэтага і комплексу іншых мер правасуддзе будзе больш аператыўна аднаўляць парушаныя правы грамадзян.

Падчас размовы таксама абмеркавалі змены ў Вярхоўным і абласных судах. Аптымізацыя закране толькі апараты вышэйстаячых судоў, пры гэтым будзе захаваны судовы корпус і якасць правасуддзя. Калі нарматыўная база для правядзення аптымізацыі будзе зацверджана ў найбліжэйшы час, то працаваць у новых умовах суды пачнуць з 1 жніўня.

Таксама на сустрэчы паднялі пытанні павышэння эфектыўнасці інстытута банкруцтва. Акрамя таго, Прэзідэнту далажылі, што новы будынак Вярхоўнага суда плануюць завяршыць ў лістападзе 2018 года.

Надзея АНІСОВІЧ

аnіsоvісh@zvіаzdа.bу

Загаловак у газеце: Як справы ў судах?

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.