Трагедыя адбылася ноччу з нядзелі на панядзелак. У 0.14 на пульт дзяжурнага РАНС паступіла інфармацыя аб тым, што па вуліцы Мінскай гарыць прыватны дом.
Калі ратавальнікі прыбылі на месца падзей, адкрытым полымем гарэла веранда дома. Пасля таго як пачалося тушэнне пажару, прагрымеў выбух. Гэта ўзарваўся газавы балон.
— Прапаршчык унутранай службы Дзмітрый Няборскі ў гэты момант знаходзіўся на пазіцыі ствольшчыка за некалькі метраў ад дома, — паведамілі ў прэс-службе Міністэрства па надзвычайных сітуацыях. — Адразу пасля выбуху калегі знайшлі яго на зямлі без прытомнасці і пачалі праводзіць рэанімацыйныя мерапрыемствы. Ратавальнік быў хутка дастаўлены ў бальніцу, дзе неўзабаве памёр...
Цяпер высвятляюцца ўсе абставіны трагедыі.
Дзмітрыю Няборскаму было 40 гадоў.
Валяр'ян ШКЛЕННІК
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
