У Брэсце 30 ліпеня правядуць фестываль блізнят, паведаміў старшыня савета гарадскога моладзевага грамадскага аб'яднання "Спадчына" Алег Голас.
Сямейнае свята пройдзе на тэрыторыі Вяслярнага канала. Да ўдзелу запрашаюцца двайняткі ці трайняты, а таксама падобныя адзін на аднаго браты і сёстры, іх бацькі. Адкрыецца фестываль парадам блізнят. Арганізатары прапануюць прыдумаць яркі і запамінальны вобраз. Для самых актыўных удзельнікаў рыхтуюць падарункі. Пераможцы будуць вызначаны ў васьмі намінацыях. Так, самыя падобныя брэстаўчане атрымаюць Гран-пры. Не застануцца без прэзентаў самыя маленькія і дарослыя блізняты. Таксама назавуць імёны самых таленавітых і крэатыўных. Асобнага прыза ўдастоіцца сям'я, у якой адначасова нарадзілася большая колькасць дзяцей.
Для гасцей свята на адкрытай пляцоўцы Вяслярнага канала запланаваная канцэртна-забаўляльная праграма. Завершыцца новае для горада мерапрыемства дыскатэкай.
Арганізатарамі фестывалю двайнят з'яўляюцца Брэсцкі аблвыканкам, абласны цэнтр алімпійскага рэзерву па веславанні, тэрытарыяльны цэнтр сацыяльнага абслугоўвання насельніцтва Ленінскага раёна Брэста, гарадское маладзёжнае грамадскае аб'яднанне "Спадчына" пры падтрымцы абласнога краязнаўчага музея.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
