Вы тут

У Мінску адкрылася аддзяленне пасольства Нідэрландаў


Гэта падзея адбылася на фоне 25-годдзя ўстанаўлення дыпламатычных адносін паміж дзвюма краінамі.


Паводле слоў Уладзіміра Андрэйчанкі, наша краіна выказвае гатоўнасць падпісаць афіцыйны дакумент і такім чынам стварыць групы дружбы паміж Нацыянальным сходам Беларусі і Генеральнымі штатамі Нідэрландаў, а таксама абмяняцца візітамі на ўзроўні рабочых груп ці кіраўнікоў парламентаў. Ён лічыць, што істотную ролю ў выбудоўванні двухбаковых адносін адыгрываюць менавіта парламентарыі, а такі крок паспрыяе наладжванню міжпарламенцкага дыялогу і ўзаемадзеяння ў гандлёва-эканамічнай сферы. У сваю чаргу Ёхана Брандт таксама выказала згоду з тым, што развіццё дыялогу па гандлёва-эканамічным і інвестыцыйным кірунку і для ўмацавання заканадаўчай базы сапраўды неабходна. Яна запэўніла, што Нідэрланды зацікаўлены ў развіцці кантактаў з Беларуссю, і пацвярджэннем таму служыць адкрыццё аддзялення пасольства.

"Паглядзім, што будзе далей. Магчыма, мы прыйдзем да адкрыцця самаго пасольства, але і тое, што мы робім цяпер, вельмі важна", —лічыць яна. Паводле слоў прадстаўніка знешнепалітычнага ведамства Нідэрландаў, не менш важна наладжваць і чалавечыя кантакты. Пацвярджэннем таму можа служыць магчымасць беларускіх дзяцей, якія пражываюць на тэрыторыях, пацярпелых у выніку аварыі на ЧАЭС, праходзіць аздараўленне ў Нідэрландах.

Варта таксама адзначыць, што адкрыццё аддзялення пасольства Ёхана Брант назвала першым крокам, за якім услед ідзе назначэнне канкрэтнага дыпламата, які будзе прадстаўляць інтарэсы Нідэрландаў у нашай краіне.

Ілья КРЫЖЭВІЧ

Kryzhevich@zviazda.by

Выбар рэдакцыі

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.

Грамадства

Без чаргі і за лічаныя хвіліны. Як здаюць экспрэс-тэст на каранавірус

Без чаргі і за лічаныя хвіліны. Як здаюць экспрэс-тэст на каранавірус

З мінулага тыдня экспрэс-тэсціраванне на COVІD-19 даступнае ў многіх паліклініках краіны, у тым ліку і ў невялікіх гарадках і пасёлках гарадскога тыпу.

Палітыка

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Пра гэта ён заявіў сёння на рабочай сустрэчы з Наталляй Качанавай і Віктарам Шэйманам.