Для беларуска-індыйскага фармацэўтычнага праекта будуць створаны самыя лепшыя ўмовы. Аб гэтым заявіў старшыня Савета Рэспублікі Нацыянальнага сходу Міхаіл МЯСНІКОВІЧ на сустрэчы з заснавальнікам і старшынёй савета дырэктараў групы кампаній ХЕТЭРА Бандзі Партхасардхі Рэддзі.
— Сёння мы рэалізуем тры праекты з індыйскімі фармацэўтычнымі кампаніямі, але сумесны з вашай карпарацыяй праект па стварэнні ў Калядзічах вытворчасці антырэтравірусных прэпаратаў і прэпаратаў агульнатэрапеўтычнага прызначэння — самы буйны, — адзначыў Міхаіл Мясніковіч. Па словах старшыні Савета Рэспублікі, каштарысная вартасць прадпрыемства складае каля $60 млн, на ім запланавана рэалізаваць тры лініі.
«Таму мы будзем ствараць неабходныя камфортныя ўмовы, — дадаў Міхаіл Мясніковіч. — І мы хацелі б вырабляць у партнёрстве з індыйскімі інвестарамі больш найменняў лекавых формаў». Ён таксама дадаў, што спадзяецца на працяг беларуска-індыйскага супрацоўніцтва, якое можа развівацца ў новых сумесных праектах.
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.