Зіма блізка!
У любым выпадку, бліжэй, чым вам падаецца. Як і пачатак новага сезона “Гульні Тронаў”. Вы ж чакаеце новы сезон? “М”ы – чакаем.
17 ліпеня адна з піцэрый сеці “Піца Тэмпа” пераўтворыцца ў залу Чырвонага Замка, і там – дзеля грандыёзнага піру ля Жалезнага Трону – збяруцца госці самой каралевы Серсеі.
Гасцей імпрэзы чакае не толькі аўтэнтычная ежа ды атмасфера, але і самі персанажы любімага серыяла: Дэйенэрыс Таргарыен, Тырыён Ланістар, наш фаварыт – Джон Сноў, кхал Дрога (valar, канечне, morgulis, але не назаўсёды) і, вядома, сама Яе Каралеўская Мосць каралева Серсея.
Ланістары заўжды сплочваюць свае даўгі, а таму арганізатары ад Каралеўскай Гавані абяцаюць не дапусціць, каб усё пайшло па сцэнары Чырвонага Вяселля. Таму усе 200 запрошаных чалавек застануцца вясёлымі і шчаслівымі. А яшчэ арганізатары абяцаюць процьму сюрпрызаў для аматараў серыяла.
Нашыя адважныя карэспандэнты, не шкадуючы сябе, скіруюцца ўпрост у эпіцэнтр падзей. Каб вы, нашыя дарагія чытачы, даведаліся пра ўсё з першых рук.
Даведка: “Game of thrones”, “Гульня Тронаў” – амерыканскі тэлесерыял у жанры фэнтазі, створаны па матывах цыкла раманаў слыннага пісьменніка Джорджа Р. Марціан. Серыял здымаецца для кабельнага канала НВО. Першую серыю паказалі 17 красавіка 2011 года.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».