Старшыня Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў Лідзія Ярмошына стала ганаровым грамадзянінам Бабруйска. Такое рашэнне было прынятае прэзідыумам Бабруйскага гарсавета дэпутатаў і Бабруйскага гарвыканкама.
— Лідзія Міхайлаўна ведае наш горад як ніякі іншы, бо тут пайшла ў першы клас і нават працавала ў Бабруйскім гарвыканкаме юрыстам. І менавіта тут, у Бабруйску, яна стала членам Цэнтральнай выбарчай камісіі, — адзначыў старшыня Бабруйскага гарсавета дэпутатаў Міхаіл ЖАЛУДОЎ.
Акрамя Лідзіі Ярмошынай у спіс ганаровых грамадзян Бабруйска трапілі прозвішчы Віталя Сакалова, які доўгі час узначальваў у горадзе на Бярэзіне вядомы ўсім рамантыкам турыстычны клуб "Мерыдыян" і падараваў Бабруйску другую па велічыні ў краіне калекцыю мінералаў, Тэймураза Бачарашвілі, які ўзначальвае вядомае бабруйскае прадпрыемства "Славянка" і вось ужо трэцяе скліканне запар з'яўляецца дэпутатам Бабруйскага гарсавета, Барыса Бірукова, таленавітага трэнера па веславанні, сярод зорных вучняў якога двойчы алімпійскі чэмпіён Віктар Рэнейскі.
Усе гэтыя людзі атрымалі прызнанне за сваю шматгадовую плённую дзейнасць, актыўны ўдзел у грамадска-палітычным жыцці Бабруйска і дзейную дапамогу органам дзяржаўнага кіравання і грамадскім арганізацыям.
Нэлі ЗІГУЛЯ
Фота БЕЛТА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
