Вы тут

Міжнародны летні ўніверсітэт юрыстаў адкрыецца 29 чэрвеня ў БДУ


Тэма мерапрыемства — “Абарона правоў спажыўцоў у сучасным грамадстве”.


Фота: 1tulatv.ru

У гэтым годзе ў рабоце ўніверсітэта прымуць удзел каля 180 студэнтаў, магістрантаў, аспірантаў, прафесараў прававых факультэтаў з ВНУ Беларусі, Расіі, Украіны, Германіі і Францыі. У адукацыйную праграму ўключаны выступленні 25 юрыстаў, сярод якіх прафесар Отмар Зойль і дацэнт Керсцін Пеглаў з Універсітэта Парыж Захад-Нантэр-Дэфанс (Францыя), дэкан юрыдычнага факультэта Гетц Шульцэ і прафесар Уве Хельман з Патсдамскага ўніверсітэта (Германія), прафесар кафедры фінансавага права і прававога рэгулявання гаспадарчай дзейнасці юрыдычнага факультэта БДУ Наталля Бандарэнка, дацэнт кафедры грамадзянскага права Алена Салей і іншыя. Рабочыя мовы летняга ўніверсітэта — руская, англійская, французская і нямецкая

Асаблівасцю правядзення летняга ўніверсітэта з'яўляецца яго практычная накіраванасць. Пасля кожнага выступлення студэнты змогуць задаць лектарам свае пытанні і  прыняць удзел у дыскусіях і абмеркаваннях. Акрамя таго, запланаваны заняткі па правядзенні дэталёвага аналізу міжнароднай правапрымяняльнай практыкі па пытаннях абароны правоў спажыўцоў пры куплі няякасных тавараў, аказанні фінансавых і страхавых паслуг і г.д.

У рамках форуму будуць арганізаваны тры круглыя ​​сталы: “Новаўвядзенні, прапанаваныя Усёабдымным эканамічным і гандлёвым пагадненнем (CETA): як пастаянны орган урэгулявання інвестыцыйных спрэчак звязаны з абаронай правоў спажыўцоў» (28 чэрвеня, на англійскай мове), “Анлайн-гандаль і абарона правоў спажыўцоў” (30 чэрвеня, на нямецкай мове), “Абарона правоў спажыўцоў у сучасным грамадстве” (30 чэрвеня, на французскай мове). Фармат круглых сталоў — жывая гутарка. Слухачы змогуць выказваць свае меркаванні, каментаваць прапанаваныя сітуацыі і прапаноўваць сваё рашэнне.

.Арганізатарамі мерапрыемства выступілі БДУ, Патсдамскі ўніверсітэт і Універсітэт  Парыж Захад-Нантэр-Дефанс.

Працягнецца мерапрыемства да 1 ліпеня.

Надзея НІКАЛАЕВА

Выбар рэдакцыі

Грамадства

Чым здзівілі фіналісты праекта TEDxYouth@Mіnsk?

Чым здзівілі фіналісты праекта TEDxYouth@Mіnsk?

Канферэнцыя прайшла ў анлайн-фармаце на відэасэрвісе VOKA.

Грамадства

Інтэр'ер для эстраднай зоркі. Глусчане сведчаць, што Філіп Кіркораў заказваў на іх фабрыцы дзверы

Інтэр'ер для эстраднай зоркі. Глусчане сведчаць, што Філіп Кіркораў заказваў на іх фабрыцы дзверы

Зараз такой фабрыкі няма, але ёсць людзі, якія могуць згадаць гісторыю яе існавання.

Грамадства

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі.