Вы тут

Як адбіраюць нацыянальную каманду на конкурс ваеннага майстэрства


Міжнародны конкурс ваенна-прафесійнага майстэрства ваеннаслужачых дружалюбных армій сёлета пройдзе на беларускай зямлі. А пакуль карэспандэнты «Звязды» паназіралі за тым, як адбываецца адбор у нацыянальную каманду.


На базе 120-й асобнай гвардзейскай механізаванай брыгады, дзе праходзіў адзін з найбольш складаных яго этапаў — конкурсы «Прафесіянал» і «Снайпер» — было гарачым не толькі надвор'е. Хлопцы і дзяўчаты з розных вайсковых злучэнняў па-майстэрску пераадольвалі паласу перашкод, спаборнічаючы за тое, хто з іх найбольш хуткі, трапны і вынослівы.

Не адставалі ад фізічна падрыхтаваных юнакоў і дзяўчаты. Паколькі ў нацыянальную каманду трапіць з іх толькі адна, канкурэнцыя нарастала. Для прадстаўніц лепшай паловы чалавецтва — нязначныя паслабленні толькі пры пераадоленні паласы перашкод. У астатнім яны змагаюцца нароўні з мужчынамі.

— Пераадолець мадэрнізаваную агульнавайсковую паласу перашкод для дзяўчыны не вельмі проста, — прызнаецца яфрэйтар Яніна Малаш, якая служыць у 56-м асобным палку сувязі. — Ускладняюць сітуацыю бронекамізэлька, аўтамат, якія ўвесь гэты час з табой: а, між іншым, трэба паўзці, караскацца на сцяну. У гэтым плане з прафесійнымі спартсменамі спаборнічаць складана.

Але казаць, што канкурэнцыі для іх не існуе, прадстаўнікі Спартыўнага камітэта Узброеных Сіл сяржант Віталь і радавая Таццяна Міхайлавы не бяруцца. Муж і жонка — члены нацыянальнай каманды Беларусі па канькабежным спорце. Спаборнічаць яны ўжо прызвычаіліся, але ў падобным конкурсе ўдзельнічаюць упершыню. «Па меншай меры, гэта цікава», — у адзін голас кажуць яны, ацэньваючы сваіх сапернікаў на самым высокім узроўні.

Усяго, па ўмовах конкурсу, у нацыянальную каманду ўвойдуць чатыры вайскоўцы. Напагатове будзе і запасны састаў, які ў непрадказальнай сітуацыі працягне барацьбу за перамогу.

— Вопыт удзелу ў спаборніцтве ў нас ужо ёсць: беларусы пяты раз прадставяць нашы Узброеныя Сілы на «Воіне Садружнасці», — адзначыў першы намеснік начальніка галоўнага ўпраўлення баявой падрыхтоўкі Узброеных Сіл палкоўнік Валерый БОЙКА. — Асаблівую ўвагу пры адборы мы звяртаем на фізічную падрыхтоўку і вынослівасць. Немалое значэнне мае і ўменне ваеннаслужачых выконваць тыя задачы і нарматывы, якія непасрэдна неабходны ў воінскай службе.

На адборачных этапах канкурсанты прадэманстравалі, што чалавек у пагонах — гэта не толькі фізічна падрыхтаваная асоба, а і чалавек творчы, інтэлектуал. Той, хто сумесціць у сабе ўсе гэтыя якасці (а імі абавязкова павінны стаць тры мужчыны і жанчына), будзе абараняць гонар Узброеных Сіл Беларусі на «Воіне Садружнасці».

Магчыма, адным з гэтых шчасліўчыкаў стане Аляксандр Прываліхін, які выступае за сілы спецыяльных аперацый. «Калі пытаюць, які конкурс для мяне найбольш цяжкі, я заўсёды адказваю, што наступны, бо гэты ты ўжо прайшоў, — гаворыць Саша. — Увогуле, конкурсныя выпрабаванні для нас, спецназаўцаў, як ранішняя зарадка. Служыць больш складана! Але ўдзельнічаць нават у адборачным этапе — вялікі гонар. Карысна паглядзець адзін на аднаго, падзяліцца вопытам з саслужыўцамі».

Нягледзячы на высокую канкурэнцыю, канкурсанты добра разумеюць, што ў фінал павінны трапіць толькі самыя моцныя. Сёлета спаборніцтвы праходзяць на нашай зямлі, і, як лічаць удзельнікі, у гэтым перавага нашай каманды. Кажуць, дома і сцены дапамагаюць, таму яны настройваюцца толькі на перамогу.

Вераніка КАНЮТА

kanyuta@zvіazda.by

Фота Ірыны МАЛІНОЎСКАЙ

Загаловак у газеце: Творчы інтэлектуал з баявой загартоўкай

Дадаць каментар

Выбар рэдакцыі

Грамадства

На працягу стагоддзя «Звязда» застаецца зоркай беларускай перыёдыкі

На працягу стагоддзя «Звязда» застаецца зоркай беларускай перыёдыкі

Пра гэта ўчора казалі высокія госці на ўрачыстым мерапрыемстве, прымеркаваным да юбілею газеты.

Спорт

Анастасія Марыніна: Баскетбол 3х3 — гэта заўсёды відовішча

Анастасія Марыніна: Баскетбол 3х3 — гэта заўсёды відовішча

Гэта адзін з нямногіх гульнявых відаў спорту, што былі ўключаны ў праграму ІІ Еўрапейскіх гульняў. 

Грамадства

«Захад-2017». Постфактум

«Захад-2017». Постфактум

Задачы сумеснага стратэгічнага вучэння выкананы на высокім узроўні.

Грамадства

На Гродзеншчыне ўшанавалі хлеб, лён, бульбу, памідор і дуб

На Гродзеншчыне ўшанавалі хлеб, лён, бульбу, памідор і дуб

Самабытныя, смачныя і пазнавальна-творчыя святы адбыліся сёлета ў розных раёнах Гродзеншчыны.