У кiнематографе, як i ў мастацтве наогул, хтосьцi шукае новыя тэмы i герояў, а хтосьцi здзiўляе новым поглядам i прачытаннем даўно знаёмага сюжэта. А цi ведаеце вы, якiя лiтаратурныя творы найчасцей выбiраюць для экранiзацыi рэжысёры з розных краiн?
Уiльям Шэкспiр
Толькi ягоную класiчную трагедыю «Гамлет» адаптавалi для кiно амаль 100 разоў, а ў ролi прынца Дацкага вызначылiся ў свой час Лоўрэнс Алiўе, Iнакенцiй Смактуноўскi, Мэл Гiбсан i нават... Сара Бернар (легендарная тэатральная актрыса сыграла ў адной з першых кiнапастановак пад назвай «Дуэль Гамлета»). Наогул жа, колькасць экранiзацый твораў брытанскага драматурга наблiжаецца да 900, i яшчэ каля дзясятка кiна- i тэлефiльмаў анансуюцца да выпуску ў 2017—2019 гадах. Свае прачытаннi Шэкспiра прапаноўвалi гледачам рэжысёры ЗША, Iндыi, Швецыi, Бразiлii, Фiнляндыi, Кiтая i многiх iншых краiн.
Антон Чэхаў
На другой прыступцы рэйтынгу размяшчаецца знакамiты «лекар чалавечай душы», рускi пiсьменнiк i драматург Антон Паўлавiч Чэхаў. Паводле звестак найбуйнейшай у свеце базы даных пра кiнематограф IMdb, чэхаўскiя творы на дадзены момант былi перанесены на экран амаль 380 разоў.
Чарльз Дыкенс
На рахунку брытанскага класiка — звыш 300 тэлевiзiйных i кiнапастановак, прычым у апошнiя 10 гадоў ягоныя творы ўпадабала менавiта тэлебачанне як невычэрпную крынiцу драматычных серыялаў. Мiж iншым, першая кiнаверсiя ягонага «Олiвера Твiста» была знята ажно ў 1897 годзе.
Аляксандр Дзюма-старэйшы
Раман Дзюма-бацькi «Тры мушкецёры», напiсаны ў далёкiм 1844 годзе, прайшоў выпрабаванне часам i прасторай: упершыню нямы фiльм «Тры мушкецёры» паставiлi кiнематаграфiсты Вялiкабрытанii ў 1898-м, а ў спiсе свежых экранiзацый аднайменны паўднёвакарэйскi серыял датуецца 2014-м. Толькi французы пераносiлi прыгоды сяброў-мушкецёраў на экран, у тым лiку ў выглядзе мультфiльмаў, мюзiклаў i тэлесерыялаў, амаль 30 разоў! Не меншую славу ў кiно здабыў i раман «Граф Монтэ-Крыста», якi перажыў звыш трох дзясяткаў экранiзацый. Агульная ж колькасць кiнаадаптацый твораў Дзюма-старэйшага перавысiла 230.
Акрамя таго, у топ-10 самых экранiзаваных класiкаў сусветнай лiтаратуры ўваходзяць Эдгар Алан По, Роберт Льюiс Стывенсан, Артур Конан Дойл, Ханс Крысцiян Андэрсен, браты Грым i О. Генры
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
