Пасля з'яўлення ўсходаў у фазе развiцця 3—4 лiсточкаў агуркi трэба апрацаваць наступным саставам:
1. У вядро вады дабавiць 30 кропель ёду, 20 г гаспадарчага мыла i 1 л малака. Апырскванне такiм растворам можна праводзiць кожныя 10 дзён.
2. З вечара замачыць буханку хлеба ў вядры вады, ранiцай расцерцi яго, дабавiць маленькую бутэлечку ёду, развесцi 1 л вадкасцi ў вядры вады i апырскаць агуркi. Гэтым растворам апрацоўваць градкi кожныя 2 тыднi. Вадкасць, якая засталася, можна захоўваць у прахалодным месцы. Да восенi агурочнiк захаваецца зялёным.
3. Развесцi ў вядры вады 2 лiтры малочнай сыроваткi i 150 г цукру. Атрыманым растворам апырскаць i палiць агуркi. Пасля такой апрацоўкi на агурках i перцах зноў утвараюцца завязi, i яны даюць плады.
4. 700-грамовы слоiк шалупiння цыбулi высыпаць у 10-лiтровае вядро вады i давесцi да кiпення, зняць з агню, накрыць вечкам i настойваць 12—14 гадзiн. Працадзiць, адцiснуць шалупiнне. Разбавiць вадой: на 1 л настою — 4 л вады. Шчодра апырскаць агурочнiк i палiць грунт.
Ірына ТАМКОВІЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
