Вы тут

У Пінску кранаўшчык выпаў з кабіны


У Пінску ратавальнікі дапамаглі спусціцца на зямлю мужчыну, які выпаў з крана.


Выклік супрацоўнікам МНС паступіў ранкам: на тэрыторыі ЗАТ з крана на пляцоўку ўпаў чалавек, патрэбна дапамога.

На месцы ратавальнікі ўбачылі, што на пляцоўцы партальнага крана-лесапагрузчыка вежавага тыпу (самаходны на рэйкавым хаду) на ўзроўні дзесяці метраў ляжыць чалавек. Работнікі хуткай медыцынскай дапамогі праводзілі яго агляд, неабходна была дапамога ў спуску пацярпелага з вышыні. Што і было зроблена пры дапамозе ўніверсальнай складной шыны: мужчыну 1962 года нараджэння апусцілі ўніз і перадалі медыкам. З траўмамі рознай ступені цяжкасці пацярпелага шпіталізавалі ў рэанімацыйнае аддзяленне раённай бальніцы, стан яго цяжкі. Папярэдне ўстаноўлена, што мужчына сарваўся пры пад'ёме ў кабіну кранаўшчыка.

Сяргей РАСОЛЬКА

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».