Лета — пара адпачынкаў, а для нас чэрвень — час прыемных сустрэч са сваімі чытачамі. Дакладней, працяг шпацыру па роднай Беларусі, каб завітаць у госці да людзей, для якіх "Звязда" — гэта не проста газета, а насмрэч часцінка душы. У гэтым мы з вамі аднадумцы. Таму вельмі важна падчас такіх сустрэч пачуць падказкі і парады, каб зрабіць нашу газету яшчэ лепш.
Сёння мы далучымся да абласной акцыі і завітаем на Міншчыну, прычым прыедзем да сваіх чытачоў адразу ў некалькі рэгіёнаў. Дзень падпісчыка газеты "Звязда" адбудзецца ў аднолькавы час — з 11 да 14 гадзін — на Бярэзінскім, Дзяржынскім, Клецкім і Барысаўскім раённых вузлах паштовай сувязі, а таксама на Жодзінскім гарадскім аддзяленні паштовай сувязі №1. Традыцыйна ўсім, хто падпішацца, — адметныя падарункі. Завітайце — даўно не бачыліся!
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.