Супрацоўнікі ГУБАЗіК МУС Беларусі і ГУКВ МУС Расіі падчас сумеснай аперацыі арыштавалі ў Маскве ўдзельніка «банды Молнара», жыхара Бабруйска, 50-гадовага Юрыя М.
Згодна з аператыўнай інфармацыяй, М. кіраваў арганізаванай злачыннай групоўкай, члены якой падманным шляхам станавіліся ўладальнікамі нерухомасці пацярпелых, паведамілі ва Упраўленні інфармацыі і грамадскіх сувязяў МУС Беларусі. Высветлена, што М. «прыклаў руку» да 70 аб'ектаў. Яму завочна было прад'яўлена абвінавачанне па 12 артыкулах Крымінальнага кодэкса Беларусі. Сярод іх — незаконнае прадпрымальніцтва, стварэнне злачыннай групоўкі махлярства ў асаблівым буйным памеры.
М. хаваўся за межамі краіны некалькі гадоў ад моманту арышту лідараў групоўкі. Зараз вырашаецца пытанне аб экстрадыцыі М. у Беларусь, дзе ён паўстане перад судом. Членаў «банды Молнара» выкрывалі з 2013 года. Яны займаліся вымаганнем, рабаўніцтвам, разбоем, падпальвалі аўтамабілі, махлявалі з нерухомасцю. Усяго было даказана больш за 100 парушэнняў закона. Злачынцаў арыштоўвалі ў Мінску, Бабруйску і на тэрыторыі Расіі. Завадатар Сяргей Молнар асуджаны на 18 гадоў пазбаўлення волі.
Валяр'ян ШКЛЕННІК
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
