Як не памыліцца з выбарам экзотыкі

Аднойчы па дарозе дадому мне так моцна захацелася памела... Я не раздумваючы зайшла ў супермаркет і выбрала самы прывабны, на мой погляд, фрукт. Але якое ж было расчараванне, калі гэты прыгажун звонку аказаўся зусім сухім унутры. Пасля гэтага выпадку ў краму па экзатычную садавіну я хаджу са шпаргалкай.

Памела

Колер гэтага гіганцкага цытрусу можа быць жоўтым, зялёным і аранжавым (форма ад круглай да грушападобнай) у залежнасці ад сорту.
Нераўнамерная афарбоўка лупіны сведчыць пра тое, што пры вырошчванні цытрусу выкарыстоўвалі хімікаты, а вось пра спеласць памела па ёй судзіць нельга.
Навобмацак гэты фрукт павінен быць цвёрдым — гэта гарантуе сакавітасць плоду.

Гранат

Колер лупіны павінен быць ад чырвонага да цёмна-чырвонага, без цёмных плям.
Саспелы гранат заўсёды цяжэйшы за няспелыя, таму з двух аднолькавых па памеры пладоў варта выбіраць больш важкі.
Гранат павінен быць пругкім навобмацак, але ні ў якім разе не мяккім — гэта прыкмета таго, што ён быў замарожаны.
Унутры венчыка граната не павінна быць зеляніны. Пра няспеласць фрукта сігналізуе і зялёны колер «пялёсткаў» венчыка.

Ананас

Водар ананаса не павінен быць занадта моцным, паколькі гэта відавочная прыкмета таго, што плод саспелы і, магчыма, ужо забрадзіў
Калі пасля націску на лупіне ананаса застаецца ўвагнутасць, значыць, перад вамі пераспелы плод. А вось зялёны колер лупіны — зусім не прыкмета няспеласці, а асаблівасць сорту. Таму пры выбары ананаса трэба звярнуць увагу не на сам колер, а на яго аднастайнасць і адсутнасць цёмных плям.
Лісце ў ідэальна саспелага ананаса зялёнае, злёгку завялае на кончыках. Цалкам зялёныя лісты выдае плод, які сарвалі занадта рана.

Авакада

Скурка саспелага авакада можа быць як карычневай, так і ярка-зялёнай — яе колер вызначаецца сортам плода.
Калі патрэсці спелае авакада, то будзе чуваць, як б'ецца костачка.
Пры націсканні на спелае авакада на скурцы павінна застацца ўвагнутасць. Калі плод не аднаўляе форму, значыць, ён ужо пераспеў.

Наталля МАЎЧАНАВА