Амаль у кожным доме запасiцца мноства розных рэчаў з разраду «а раптам спатрэбiцца». У вынiку збiраецца значная колькасць трыкатажных маечак, футболак i вадалазак. Надыходзiць час, калi разумееш, што iх трэба ўтылiзаваць. Як гэта зрабiць выгадна? Шкада на анучы пускаць, ды i ануч, дарэчы, гэтулькi не трэба.
Можна зрабiць з iх мяккi дыванок. Ён вырабляецца з вялiкай колькасцi шарыкаў з тканiны, набiтых сiнтэпонам, халафайберам цi iншым матэрыялам. Шарыкi набiваюцца i прышываюцца да асновы са шчыльнай тканiны вельмi блiзка адзiн да аднаго.
Спатрэбiцца: трыкатажныя вырабы, якiя адслужылi сваё; напаўняльнiк — паралон або сiнтэпон; шчыльная тканiна для асновы; шаблон круга дыяметрам 12 см.
З падрыхтаваных рэчаў выразаем кругi розных колераў, абводзячы па шаблоне маркерам. Выкарыстоўваючы самае простае шво «наперад iголку», пракладваем радок па крузе, адступiўшы ад краю 0,5 см. Укладваем у нашу нарыхтоўку напаўняльнiк. Сцягваючы нiтку, атрымлiваем мяккi шарык. Такiх шарыкаў на дыванок дыяметрам 1 м спатрэбiцца не менш за сотню.
Калi мы падрыхтавалi дастатковую колькасць шарыкаў патрэбных нам колераў можна пачаць iх прышываць або прыклейваць гарачым клеем на аснову. Шарыкi клеем шчыльна ў шахматным парадку, пачаўшы ад краю круга.
Гэты спосаб можна выкарыстоўваць для iншых вырабаў. Можна зрабiць пуфiк, якi ўпрыгожыць дзiцячы пакой цi спальню.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
